١٥ ديسمبر ٢٠٠٨

معقـــــــــول

أنـــا عـــارفة أنــى مقصــــرة شـــوية فـى متـــابعة المدونـــات اللــى بحـــب اتـــابع دايمــــا الجــديد فيهـــــا بـــس لازم تعرفـــوا ان البعــــد ده سببـــه قـــرب الامتحــانـات . تركيــــز بقــــى أنتــــوا فاهميــــن
بــس أن شــاء اللــــه بعـــــد مــا أخـــلص
هفـــــوق لكــــم تـانى


هل من الممكن أن تعشق شخصا . وفى حياتك شخصا أخر . أم يكون مجرد تعود أو أعجاب . هل من المعقول أن ترى الدنيا والحياة بعيون شخصا أخر . تلمس معه السماء وتشعر بالحب والمشاعر بشكل و أحساس مختلف تماما عن ما سبق بحياتك . ؟؟؟؟؟؟؟؟؟؟


شخصا تشعر وأنت بجواره أنك ملكت العالم والكون . وتكون قادرا وأنت بقربه أن تحقق المستحيل . شخصا يعطيك حبا وحنانا بغير حدود . وكأنه خلق فقط ليعطيك كل السعادة . شخصا لا تعرف أن تحدد متى بدء حبه بقلبك . وكيف عبر الحاجز الذى يفصلكما . شخصا تجد نفسك مضطر أن تبتعد عنه لأنك تعرف أنه ليس لك . ولن تستطيع أن تكون له . ولكن هل تستطيع حقا الأبتعاد عنه . وهو من جعلك قادرا أن تحيا من جديد . وكأنك قبله لم تكن تعرف أن بداخلك كل هذا الحب . شخصا تعرف أنك بأحضانه تمتلك الكون وتنسى البشر . وكأنكما بمفردكما فى الحياة . وحتى وأن لم تستطيعا أن تكونا معا . فيكفيكما أنكما قابلتما بعضكما . وملئتما حياتكما بكل هذا الحب . فأنت لن تبالغ أذا اهديته بعض الكلمات الذى يستحقها

أنت يا من عرفت الحب معك . فكيف لى الحياة من غيرك . يا من ملكت القلب وجعلته يسكن معك ويتركنى . يا من جعلتنى أبقى وحيدة . طالما أراك بعيدا عن حضنى . يا من تمنيت أن أقضى العمر بجواره . وأستغنى عن أى شيىء يأخذنى منك أو يبقينى لحظة بعيدة عنك .

هناك ٥٠ تعليقًا:

Sweet Violet يقول...

نحجز اول تعليق

بعد طول غياب

هاقرا و ارجع (:

Kiara يقول...

وحشتيني اوي يادنيتي

هقرا وارجع

Kiara يقول...

بصي ياقمر البوست بالنسبالي جزءين

**********

هل من الممكن أن تعشق شخصا . وفى حياتك شخصا أخر

*******

لا دي كدا يبق في حاجه غلط ومش مفهومه

*********
اما باقي البوست هقولك معقول اوي
-----

دوندون الكلام اللي اهديتهوله بجد مش عارفه اقولك اد ايه كله احساس ومشاعر جياشه

وحشاني اوي يادوندون وعارفه اني مقصره معاكي بس انتي عارفه الظروف

امممممممممممممممموه بوسه كبيره ليكي

خليك ف حالنا يقول...
أزال المؤلف هذا التعليق.
غروب يقول...

الله ع السلامه

اولا بالنسبه لاول جمله

هل من المعقول ان تحب شخص وفي حياتك شخص اخر

من وجهه نظرى مستحيل

لان الشخص لما بيحب حد مش بيشوف اساسا اى حد تااانى ابدااااااا

اما بقه كونه يبعد عنه لانه عارف انه مش ليه

فدى مع الايام بتحصل والزمن كفيل بانه يداوى اى جرح

بالنسبه لاخر كلام فهو ليكي انتى ويخصك

احساسك كالعاده واصلنى جداااااااا

غروب

Sweet Violet يقول...

بالنسبة للسؤال الاول
الشخص اللى فعلا موجود فى حياة الانسانة دى
هل هو فعلا حب ولا مجرد شعور بالامان والاستقرار؟
وهى اللى بتقنع نفسها او ممكن نقول مصدقة انه حب
فى حين انها قابلت حد تانى تعودها عليه واحساسها بيه تُرجم لحب
يبقى فى الحالة دى هى ماكانتش بتحب اللى فى حياتها اساسا وبالتالى الشخص التانى ده هو اللى حب
وفى حالة تانية وهى اذا كان الشخص اللى فى حياتها اهتمامه قل ناحيتها
وبدأت تحس باهماله ليها وفى نفس الوقت ظهر فى حياتها الشخص التانى
تلقائى جدا هتقوم بمقارنة وتبدأ تفكر مين فيهم الحب اللى فى حياتها فعلا
يعنى المرأة عموما ماينفعش يكون فى حياتها اكتر من حب فى نفس الوقت
ولو حصل يبقى اكيد الحب اللى فى حياتها انتهى وبالتالى قلبها اتفتح لشخص تانى

نيجى بقى من الناحية التانية يعنى لو الموضوع من جانب الرجل
الموضوع مختلف تماما فى الحالة دى
لان طبيعة الرجل بتديه القدرة على الحب لأكتر من امرأة
وليس الاعجاب فقط .غير المرأة تماما
بغض النظر بقى انه لازم يبعد عنها او لاء بس هنا الموضوع مش مجرد اعجاب
لاء هنا ممكن جدا يكون حب وممكن كمان يحب تالت ورابع
هى طبيعته كده ربنا خلقه فيه القدرة دى

اما موضوع الابتعاد عن شخص ليس لك
فدى بتيجى على حسب الاسباب المحيطة بالطرفين
وبقدر المستطاع الاتنين بيحاولوا
ولو كان البعد مفروض عليهم يبقى كده الموضوع مش بايد اى طرف من الاتنين
ولازم يتم البعد بغض النظر عن الالم اللى هييجى من ورا البعد ده
لكن مش دايما الشخص بيحوز على كل مطالبه فى الحياة
وده يبقى قدر
---------
كلمة اخيرة حقيقى انا بعتذر انى طولت كده
بس بقالى كتير ماعلقتش عندك
واخدت براحى بقى (:

mohamed ghalia يقول...

أنت يا من عرفت الحب معك . فكيف لى الحياة من غيرك . يا من ملكت القلب وجعلته يسكن معك ويتركنى . يا من جعلتنى أبقى وحيدة . طالما أراك بعيدا عن حضنى . يا من تمنيت أن أقضى العمر بجواره . وأستغنى عن أى شيىء يأخذنى منك أو يبقينى لحظة بعيدة عنك .
كلمات فى منتهى الروعة
حمدا لله على السلامة
كل سنة وانتى طيبة

DoNyA يقول...

كلامك منبعه القلب
فبالطبع يصب في قلوبنا مباشر

منتهي الرقه والعذوبه
تقبلي مروري

wafaa يقول...

عزفتى لحنا حائرا على اوتار قلوب تشتاق للعزف الصادق
ابدعتى

تقبلى مرورى
وفاء

Empress appy يقول...

مفيش حاجه اسمها اعشق حد وفيه حد فيه حاجه اسمها اتشد ليه اعجب بيه
بس بكده لازم تعرفى ان الطرف التانى ملوش لازمه فهمتى حاجه

من هزمتها الايام يقول...

مونمون
البوست اكثر من رائع
لكن من الصعب ان تعشق
شخصا وفى حياتك شخص أخر
وهو يكون مجرد اعجاب
مع تحياتى للمبدعة

EMMY BABY يقول...

هقلك وجهة نظرى

هو عمليا زى ما بيقولوا القلب مينفعشى يحب اتنين

بس ساعات احنا بتختلط علينا حاجات كتير زى مفهوم الحب لو الحب ده بجد مش هينفع يشوف حد تانى غير حبيبه

لكن لو مكنش حب ومجرد احساس بالارتياح او احساس بالامان فممكن جدا انه يلاقى مع شخص تانى مفهوم الحب اللى بجد وساعتها هيفتكر انه بيحب الاتنين لكن هو بيحب اللى حس معاه بالحب بس


بجد كلماتك جميلة اوى وتدل على صفاءقلبك

تحياتى

ايمى

فشكووول يقول...

طب وليه بقى طائر الليل الحزين ..انا شايف انك طائر الليل الفرحان وهل كل هذا الفرح الذى قرأته بيقول انك حزين .. يا شيييييييخه يا بخته اللى بيتقال الكلام دا فى حقه .. على فكره انا شايف ان الكلام ده حاله شعوريه مش حاله شعريه ... ايه رأييييييك

القدس يقول...

من الموكد يا حبيبتي اننا اذا احببنا حب صادق لا يمكن لاي احد ان يدخل حيانتا ولو بالتفكير........

انت يا من عرفت الحب معك فكيف لي الحياه من غيرك ......
يا من ملكت القلب وجعلته يسكن معك ويتركني......
اه يا مووزه علي احساس العشق
استغني عن اي شئ ياخذني منك


موووزة بوست جميل ابدعتي فيه
بحيـــــــــكي عليـــــــه

طـائر الليــل الحـزين يقول...

ضـــد التيـــار ........
مرحب بيكى يا قمر دايما فى أول تعليق
بصى انا معاكى فى رأيك جداااا
انا بجد بشوف موضوع البوست ده كتير بيحصل قدامى
ولما كتبته كنت بتكلم على جانب الراجل
بصراحة انا بحس ان دايما شعور الراجل الزايد انه يحس انه مرغوب فيه
هو اللى بيدفعه انه يحس بكذا احساس فى وقت واحد مع انى عارفة كويس قوى ان مفيش حاجة اسمها تحب وفى حد فى حياتك بس ده لو قولنا عليه حب
وطبعا فى امثلة ممكن تقع فى الموقف ده عشان بيكون فى حاجات بتعانى منها فى حبها
الاهتمام . الامان . الاستقرار . الود
كل الحاجات دى لو نقصت اكيد بيكون فى حاجة غلط
بشكرك قوى يا ضد على رأيك
وهو بجد عاجبنى قوى
ومش ينفع تانى تعتذرى على الاطالة
تحياااااااااتى يا قمر

طـائر الليــل الحـزين يقول...

مــولان .........
بجد يا قمر مش تشغلى بالك خالص بموضوع التقصير
عشان انا مقدرة
اى حد فينا لما بيزيد عليه الضغوط بيحس انه مش قادر لا يكلم حد ولا يكتب حاجة وبتكون اسلم طريقة انه يبعد شوية عشان يهدى ويعيد ترتيب افكراه اتمنى انك تكون فعلا حققتى ده
وبالنسبة لتعقيبك
انا فعلا شرحت ازاى الغلط ممكن يحصل وليه
وانا برد على تعقيب ضد التيار
ومعلشى بقى مش هقدر اعيد الكلام
انتى عارفة انا اصلا مكنتش اقادرة ارد على التعليقات
بس عمرى ما هفكر ابعد عن التدوين
بس ممكن اخد جنب بس لحد ما اهدى لو كنت بمر بأزمة
اتمنى ان ربنا يفك كرب كل التعبنيين
والمخنوقيين واللى خدوا قرار ببعدهم عن عالم التدوين
تحيااااااااتى يا قمر على ردك

طـائر الليــل الحـزين يقول...

غـــروب ........
بجد انا بشكرك على اهتمامك وسؤالك
وبصراحة بسبب احساسى انى اتأخرت حبيت على طول انزل البوست ده
وشكرا على تعقيبك
وطبعا بضيف عليه
انه فعلا مستحيل ان حد يحب وفى فى حياته حد بالفعل
بس تفتكرى اننا دلوقتى نقدر نحكم على تجارب الحب انها حب حقيقى والا لاء
وياترى عندنا مقاييس نقدر نعرف من خلالها ده
اعتقد لاء
بس بصراحة مش عارفة احدد الخلل فين
دلوقتى الناس المرتبطة بتحس زى اللى مش مرتبطة بعدم امان وعدم استقرار
طب ينفع بعد ده اقول ان ده حب
على العموم انا نفسى محتارة ونفسى الحقى اجابة
لانى بشوف قدام عنيه تجارب بتخلينى مش قادرة احكم خالص
تحيااااااااااتى ليكى يا قمر
ومنورة المدونة زى العادة

طـائر الليــل الحـزين يقول...

محمد غالية .............
بشكرك بجد من كل قلبى
مجرد وجودك على المدونة بيخلق حالة جميلة من الود والحب والاحساس بالناس
وكمان كلامك الرقيق الجميل اللى بيعبر عن كل حاجة حلوة
تحياااااااااتى ليك
ولشخصك الجميل يا محمد

طـائر الليــل الحـزين يقول...

دنيــــا
واللهى مش عارفة مين فينا اللى كلامه مليــان رقة وعذوبة
بجد اكيد انتى
انا بشكرك يا دنيا على كل كلمة حلوة قولتيها عن طائر سواء هنا او عندك فى المدونة
وانا فرحانة انى كلامى بيعجبك دايما
تحياااااااااتى يا ست الحلويين
ويارب دايما كلامى يقدر يعجبك ويوصلك
ويارب دوام المواصلة

طـائر الليــل الحـزين يقول...

وفـــاء .....
بشكرك على التعقيب الجميل ده
وبجد شكرااا على الوصف الاجمل
ويار بدى تكون مش اخر زيارة
ويارييت دوام المتابعة
تحياااااااتى

طـائر الليــل الحـزين يقول...

أبـــى ...........
انا حساكى عصبية ليه بس يا قمر
انا معاكى
بس انا شرحت فى ردى على ضد التيار كل ده
واذا كنت كتبت البوست ده
ده كان عشان بقينا نشوف دلوقتى ناس كتير مرتبطة بأشخاص وفى حياتها ناس تانية
وعلى فكرة بقت ظاهرة غريبة
وصدقينى فهمت كتييييييييير
تحياااااااااتى

طـائر الليــل الحـزين يقول...

من هزمتها الايام ..........
بشكرك على التعقيب
ويارب دايما نعجب يا ست الحلويين
وانا معاكى جدااا ان مفيش حاجة اسمها تحبى وفى حياتك حد تانى
تحيااااااااااتى

طـائر الليــل الحـزين يقول...

ايمى ..........
عارفة يا قمر
انتى وصلتى للمعنى كويس قوى وفهمتى وجهة نظرى وحستيها
بجد انا كل مادة بحبك اكتر
وبشكرك على التعقيب الجميل ده
ويارب تعيشى وجواكى كل الحب ده على طول
تحيااااااااااتى يا ملكة الحب فى القلوب

طـائر الليــل الحـزين يقول...

عم فشكول ........
واللهى واحشتنى جدااااا .
وبشكرك على التعقيب الجميل
لاء وكمان على التحليل للحالة الشعورية مش الشعرية
وصدقنى عنك حق
وبجد بشكرك على موضوع يا بخته
بس واللهى كل الكلام ده مش بيتكتب لحد معين
ويارب يخليك دايما لكل المدونيين
انا عن نفسى بحس انك فى مرتبة ابواية بالظبط
بشكرك
يا اجمل الاصدقاء
وتعيش لينا على طول بفشكول وحكمته
تحيااااااااااتى

طـائر الليــل الحـزين يقول...

تائهة فى بحر الحب .......
الله عليكى يا قمر وعلى تعقيبك اللى كل مرة بيكون احلى من اللى قبله
وفعلا فى حالة من حالات الحب
لما بتحسيها ممكن وقتها تستغنى عن اى احساس تانى
تحيااااااااااتى

حبيبه يقول...

دنيا
الاحاسيس اللي انتي بتوصفيها صعبة اوي
مش ينفع تحبي اتنين في وقت واحد
اما انك تشوفي الدنيا بعيون شخص اخر لو انتي بتحبيه بجد هتشوفي كل حاجة بعنيه هو عارفة احساسك بالحب حلو اوي
تحياتي لكي

العراف يقول...

بصى انا عندى كذا راى انت لو عشقى حد وفى قلبك حد تانى ده اسمه خيانه صريحه وملهاش اى حاجه غير كده اما لو الاولانى ده بقت صعب العيشه معاه وقرفانين من بعض يبقى الاول ومن الاصول انك تسبيه الاول قبل ما تعشقى غيره او على الاقل تقديرا لمشاعره حتى لو هو ما احترمش مشاعرك والعكس يا جماعه بالنسبه للولاد والله انا بقول كده عشان انا ولد لا والله خالص بس هو ده حلك المناسب وبجد احساس عذب جميل فى كلامك ورقتك

غير معرف يقول...

الشئ اللى لفت نظرى من ساعت ما دخلت على المدونه وبالذات فى كل بوست ان فى كل تعليق بحس ان واحد يرد وصاحبت المدونه تغنى عليه

فشكووول يقول...

يا طائر .. والله الصوره اللى فوق المقال صوره هايله وكلها احاسيس .. بس خلصت اللى عندى

فشكووول يقول...

ازيك يا طائر .. اصل النهارده بلف المدونات وجايبها من اول الخط وانت طالع ورجلى وجعتنى خالص من اللف .. مش بيقولوا اللى يلف يتعب .. تحياتى

blue-wave يقول...

ما جعل الله لرجل من قلبين فى جوفه
صدق الله العظيم
من عشق بالفعل وهوى فى بحر الهوى لا يرى اخر
فما بالك ان يعشق اخر؟؟
مستحيل بالفعل

طـائر الليــل الحـزين يقول...

حبيبة ..........
صدقينى يا قمر انا عارفة كويس ان مفيش حد ينفع يحب اتنين فى وقت واحد
بس فى اشخاص مش بيكونوا موفقيين فى اختيارتهم وبيكون عندهم احسيس كتيرة ناقصة . ممكن فجاءة يلقوها فى شخص تانى
فى ناس بتكون عندها استعداد للمواجهة وفى ناس بيكون عندها استعداد للخيانة
وفى حالات تانية كتيرة
بشكرك يا قمر على التعقيب وعلى المرور
تحياااااااااااتى لأحلى اسم

طـائر الليــل الحـزين يقول...

العراف .....
بجد بشكرك على التعقيب الجميل
بس انا حبة اوضحلك حاجة مهمة
البوست ده مش بيعبر عن حالة ان بعيشها
ولكن بعبر بيه عن حاجات بشوفها بعينى
مش اكتر
وطبعا بتكلم فيه بطريقتى وبأحساسى انا
وده اللى بيخلى البعض يفتكروا انى بعيش الحالة
وانا معاك فى رأيك
بس حبة الاضافة ان فى ناس بتحب وهى فى حياتها حد وده لما بتكون حسة بنقص فى مشاعر كتيرة واللى بيترتب عليه احساس بعدم الرضا
بس كده وزى ما قولت فى التعليق اللى فات فى ناس بتكون حبة المواجهة وعدم الخداع وفيه ناس بتكون حبة الظلم واحساس الخيانة
تحيااااااااتى

طـائر الليــل الحـزين يقول...

غير معرف .............
انا بشكرك على المرور وعلى الزيارة الاولى
وكمان على رأيك فيه وفى مدونتى
بس صدقنى انا مش بعرف اغنى
ولو الكلام اللى فى المدونة مش عجبك
انت فيها متخشش تسمع اغانى تانى
وشكرااااااااا
اه واللى بيعلقوا عندى كمان نفس الموضوع بيخشوا عشان يقولوا رأيهم مش عشان يغنوا
والدليل عندك
ان فى اراء بتكون بالنقد المحترم واللى بتقبله
تحياااااااااتى

طـائر الليــل الحـزين يقول...

عم فشكول ...........
بص بجد انت لما بتزور المدونة من وقت للتانى بتزيدها شرف واحترام وكمان وقار
وبجد بشكرك على التعقيب الجميل جدااا ده
وانا مبسوطة خالص ان الصورة عجبتك
عشان انا بحبها جدااا
وبشوف فيها حاجات كتيرة قوى
تحيااااااااااتى لشخصية حضرتك الجميل

طـائر الليــل الحـزين يقول...

د/ عمرو فاروق
اهلا اهلا
شكرا ليك على رأيك
اللى اكيد صح مية فى المية
بس صدقنى بتحصل وليها حالتها واسبابها
حتى انا ردييت وقولت رأى فى كده فى البوستين اللى قبل كده
تحيااااااااااتى
ومنور المدونة

احمد على نصار يقول...

لم يحدث أبدا

أن أحببت بهذا العمق

.. لم يحدث .. لم يحدث أبدا

.. أني سافرت مع امرأة

.. لبلاد الشوق

.. وضربت شواطئ عينيها

كالرعد الغاضب ، أو كالبرق

فأنا في الماضي لم أعشق

.. بل كنت أمثل دور العشق

.. لم يحدث أبداً

أن أوصلني حب امرأة حتى الشنق

لم أعرف قبلك واحدة

.. غلبتني ، أخذت أسلحتي

.. هزمتني .. داخل مملكتي
كلمات تعبر عن نصك الشجى

جميلة انتى ورقيقة انتى فى احساسيك يا منى ........ ولكن لماذا تتركينه وليه يعنى تضحى عشان مين وليه حاسه اتكو مش مقسومين لبعض .. الحب يأتى غالبا مرة واحده .. وغالبا ايضا لايتكرر بهذا العمق
ملاحظة : بتقولى انا مابزورش مدوناتك ياريت تروحى لمدونة بنت من مصر وتعقبى ع التعليق اللى بقالو 10 تيام .. يعنى اذا كان انتى نفسك نسيتيها
وبعدين

طـائر الليــل الحـزين يقول...

احمد على نصار
بجد انت رأيك دايما بيكون من احب الأراء عندى
وليهم بعمل دايما بيهم
وانا اسفة
انا فعلا لسة شايفة انهاردة التعقيب اللى على مدونة بنت من مصر
بس اعذرنى انا اصلا مش بعرف اتابع المدونات كويس الايام دى عشان امتحاناتى قربت
بس بشكرك جداااا على كلماتك الرائعة
وعلى تابعتك الدائمة للمدونة
تحيااااااااتى

فشكووول يقول...

يا طااائر
الله يخليك يا طائر .. يا مشجعانى .. ويا رافعه معنوياتى .. تصدقى انت اللى معايا على طول الخط .. كلا الزملاء بعضهم يشجعنى قليلا بس يقول بس اصل الموضوع كذا وكذا .. دى وجهة نظرهم وانا باحترمها وانا برضه لى وجهة نظر وهما احترموها .. ايه رأيك يا طائر تغيرى الاسم دا الى دعاء الكروان واهو برضه صوت الكروان فيه شجن .. تحياتى يا طائر

r يقول...

ممكن طبعا نجد شخص مثل هذا بس بيكون نادر شويتين
ولو استمر شعورنا اللى مش بيتغير بيه لفتره اكبر ولو ان دا نادر بردوا
فهنيئا لنا وله

دمتى طيبه

romansy يقول...

عزيزتى دنيا
قد نعشق اشخاص كثيرون ولكن من يستمر الى النهايه ولكن قد يحتويكى اكثر واكثر عندما يحبك
ولكن كيف البعاد وهو فى القلب يسكن
ويتمنى ان يكون دائما بداخل ذلك القلب الحنون
ولكن لابد ان نعشق ونعشق فبدون العشق لا توجد الحياه


اسف جدا جدا
على تاخيرى
بس هى ظروف يا دنيا
وعلشان امتحاناتك كمان
مش عاوز اعطلك

سلامى

جــــوه القـــلـب يقول...

اكيد ممكن انك تتخدعى فى مشاعرك
بس المهم انك تفوقى من هذا الوهم
بس ياريت تحسنى الاختيار
بس بجد البوست رائع
rock

طـائر الليــل الحـزين يقول...

عم فشكول .........
بصراحة مش عارفة مين بيشجع فى مين
بس عموما انا بفتخر جداااا ان رأيك فية بالشكل ده ويارب دايما كده على طول
اصلك بصراحة بتفكرنى فى مكانة ولدى وده طبعا شيىء جميل جدااااا
وبالنسبة للأسم اللى حضرتك اقترحته هو جميل بس بصراحة كلمة طائر اللليل الحزين له معزة غالية جداااا فى قلبى
وله ذكريات بحب افتكرها بأستمرار
عشت ليه على طول
يابابا فشكول
ودايما تكون وجهات نظرنا متقاربة
وفيها تفاهم
تحياااااااااتى يا أعز الزائريين

طـائر الليــل الحـزين يقول...

بسنت ..........
فى الاول بشكرك على الزيارة الاولى للمدونة
وبتمنى دوام المتابعة
وفى التانى بشكرك على التعقيب الجميل ده
تحيااااااااااتى

طـائر الليــل الحـزين يقول...

رومانسى ..........
بجد المدونة كان ناقصها حاجة
وبجد زى عادتك رأيك فى منتهى الجمال
وكلماتك فى منتهى الروعة والاحساس
بس عايزة اقولك انى حسة من كلامك انك فى حالة مزجية سيئة
ويارب يكون احساسى غلط واتمنالك دوام الصحة وراحة البال
وبجد مش عمرك هتعطلنى
ويمكن فى التوقيت ده المدونة هى اكتر حاجة بتهون علية كتير
تحياااااااااتى ايها العاشق الرومانسى

طـائر الليــل الحـزين يقول...

جوة القلب ...........
بجد رأيك جااااااامد جداااا
وفعلا عندك حق اهم حاجة الأختيار
والمفروض اول ما نحس اننا اختارنا غلط نفوق من وهمنا بسرعة
عشان مش عيب اننا نغلط
لكن العيب اننا نستمر فى الغلط
وتحياااااااتى يا أحلى البنات

*^*AL.7aAzZeEnN*^* يقول...

السلام عليكم

اول زياره ليا للمدونه الرائعه دي

و ربنا يوفقك في المتحانات

و تكون ميسره على الأمه الأسلاميه

دمت بكل خير و سلامه

و اتمني زيارك الي مدونتي المتواضعه

طـائر الليــل الحـزين يقول...

القلب المنكسر
شكرااا ليكى يا قمر على الزيارة الاولى
وكمان على التعقيب
وصدقينى هزورك واللهى بس اول ما تجيلى الفرصة
انتى فاهمة بقى المذكرة
تحياااااااااتى

fashkool يقول...

يا طائر .. ايه رأيك فى التجديدات والديكورات الجديده .. اظن حلوه قوى .. يعنى هو انا كنت طايل حاجه .. والله اتعلمت شوية حاجات وكل يوم حتشوفى جديد عندى .. اصل انا ساعات بابقى مجنون زى البت سومه .. اصلها طالعه لى والمجانين بيعملوا ساعات حاجات كويسه .. على العموم انا اديتها حتة لحمه زياده على الغداء

طـائر الليــل الحـزين يقول...

عم فشكول
التجديدات والديكورات الجديدة طبعا هايلة
بس اكيييييد هتكون احلى لما انت اللى تتعلمها وتعملها بنفسك
وانا متابعة ليك على طول عشان اشوف الجديد
وحتى لو مفيش جديد برده هتابع
بس انا مفيش عشانى انا كمان حتة لحمة
والا ايه
هنشجع بلوشى
عموما احنا بنشجع بحب واحترام يا عم الشباب
تحيييييييييييياااااتى