٢ مارس ٢٠٠٩

أليـــك عنــى يـا قلبـــــــى



أليــــك عنــــى يـــا قلبــــى . فكفـــانى مــن العــــذاب ...
عـــــذاب حبــــا عشتــــــه قبــــلك . فألمنــــــى مـــن غيـــــر حســـــاب ...
عـــــذاب حبــــا عشتـــــه لحبيــــب . لــم يــــدرك كـــم أحببتــــــه وتعــــذبت مــن أجــــله ...
عـــــذاب حبــــا شــربت المــــرارة عنـــــدما أحسستـــــه ...
عـــــذاب حبــــا أحرقتنــــــى النــــــار عنـــــدما رأيتـــــه ...
فكيـــف لك يــا قلبـــــى بعــــــد كــــل هـــــذا العـــــذاب أن تستمـــــر بحبـــــــه !!!!

هناك ٤٨ تعليقًا:

Sweet Violet يقول...

فكيـــف لك يــا قلبـــــى بعــــــد كــــل هـــــذا العـــــذاب أن تستمـــــر بحبـــــــه !!!!

للأسف قلوبنا مافيهاش زرار ندوس عليه ننسى

و مهما عمل الحبيب بردو بنفكر فيه حتى بعد الفراق

بس اكيد هيجى يوم و القلب يفوق من ألم الماضى و يرجع تانى من جديد

تحياتى ياقمرايه (:

طـائر الليــل الحـزين يقول...

انتى فين كلمينى على الشات

Sweet Violet يقول...

اول لما شوفت الكلام جريت على الاختراع اللى اسمه شات لقيت طائر طااااار على رأى (احم احم خلاص خلاص بلاش تحمرى عينك كده ادينى سكت ياساتر الواحد مايعرفش يقول كلمتين فى المدونة دى ابدا كده )

بجد بقى شويه انا سيبتلك اوفلاين ابقى شوفيه

حسابك تقل قوووووى ياهانم بس لما اشوفك بس

شكل اوراقى هتتحول لفضيله المفتى بسببك ):

غروب يقول...

كلامك جميل كالعاده وحزين اوووى

بس برضه مهما كان هتفضل صاحبه الكلمات تحب من اهدت له الكلمات

ربنا يسعدك

دايما كلماتك تلمس فيه شئ

جارة القمر يقول...

كلماتك حلوة اوي
فعلا للاسف الانسان لما بيحب بجد صعب انه يقدر ينسي بسهولة
لكن باتمني انك تكوني قوية وتستطيعي اخراجه من قلبك وصدقيني هتلاقي اللي يحبك ويستاهل حبك
تحياتي لكي

غير معرف يقول...

بــحـــــــبك

mohamed ghalia يقول...

حلوه قوى كلماتك
بجد سلم لكى قلمك
دمتى فى سعادة

aMr saYed يقول...

كلامك يعذب الجبار
بجد حلوين اوي الكلمتين المختصرين دول بس فعلا ازاي بعد كل العذاب ده لسه مستمر الحب وفعلا القلب مبنتحكمش فيه

تحياتي

romansy يقول...

لا يستطيع هذا القلب ان يتخلى يوما عن الحب فاجعليه يداوى الالامه ويحب من جديد
فماذا يفيد العذاب الاانه ابقى فى القلب جرحا

☼♫♪ عمــاد الدين يــوسف ☼♫♪ يقول...

عودة رائعه بكلمات اروع لشخص اروع وأروع

تحياتي لأختي مونمون

احمد على نصار يقول...

منى ..

ممكن اسألك سؤال ولكى مطلق الحرية فى الاجابة او الرفض
انتى مريتى بصدمة عاطفية ، او انها خلقت جواكى مشاعر حزن نابع من حب حد كنتى تستنى منه حب لكن هو مكانش يستاهل الحب ده / كلامك جميل يا منى وتحسه انه طالع من القلب ، انا عايز اقولك انك جوهرة ودى مش مجاملة ، اللى ليها المشاعر والقلب الرقيق ده فى الزمن ده اللى مش ينفع معاه غير العنف تبقى بنت جوهره ،

تحياتى

خارج النص : يوم الاثنين القادم 9/3 اقرى خبرية عن كتابى فى جريدة الاخبار

طـائر الليــل الحـزين يقول...

ايه يا قمرايتى
بالنسبة للتعقيب ..........
طبعا انتى معاكى حق قلوبنا ما فيهاش زارير ندوس عليها فننسى
بس تعرفى فى مثل غريب بيقول ان كتر البكى يعلم الاسية
اكيد هيجى وقت وننسى بس انا عموما محبش ابقى قاسية
وعمرى ما هفكر ارد على القسوة بقسوة
ولا على الجرح بجرح
ده عشان كلمات البوست
اللى هى ملهاش دعوة بحياتى الشخصية
ولا هى نتيجة لتجربة مريت بيها
عشان ميختلتش الامر على اللى يقرى البوست
تحيااااااااااتى يا قمراية
وتسلمليلى دايما

طـائر الليــل الحـزين يقول...

واللهى يا حبيبة قلبى انا على ما انتى دخلتى وسيبتى كلام اوفلاين
كنت انا اومت
عشان كنت ميتة من التعب ومش شوفت الكلام الا انهاردة
اعمل ايه بقى
معلشى اسمحيلى اقدم استئناف
وبلاش يا خفة طائر وطار خلاص
فعلا عنية احمرت
بس رجعتها تانى
احم احم
فضفضى معاية مش فى المدونة
بس اما اشوفك
شوفى هعمل فيكى ايه

طـائر الليــل الحـزين يقول...

غروب
مرسية يا قمر على الكلام الجميل اللى دايما بحس انه كتير علية
بس واللهى مش دايما كلامى حزين بس اللى الواحد بيشوفه حواليه فعلا بيخاليه هيتجنن مش بس يبقى حزين
تحيااااااااااتى يا غروب

طـائر الليــل الحـزين يقول...

جارة القمر
كلامك جميل جدااااا
وتعقيبك دايما فى منتهى العقل
بس بالنسبة لحالة كلام البوست اللى اكيد بعيد عن اى تجارب شخصية
اكيد الواحد لما يحس انه حب حد مش يستاهل حبه بيتألم لوقت وبعد كده بيقدر يتجاوز محنته وينسى
اصل اهم حاجة للأنسان كرامته
وقتها بيحس انه فى منتهى القوة
بشكرك يا حبيبتى على كلامك اللى بجد عاجبنى جدااااااا
تسلميلى دايما
تحيااااااااااتى

طـائر الليــل الحـزين يقول...

غير معرف
انا مرضتيش انى امسح تعليقك عشان محدش يفتكر انى اعرف مين اللى كتب التعليق ده
بشكرك على رسالتك
بس اللى يبعت رسالة المفروض يكتب اسمه

طـائر الليــل الحـزين يقول...

محمد
تسلملى يا غالى
وشكرا على تعليقك اللى بيخلينى احس ان فعلا كلام بيوصل للقلب
تحياااااااااااتى

طـائر الليــل الحـزين يقول...

عمرو
انت اللى تعليقك يحرك الحجر
بس تعرف ساعات ده بيحصل لما بيكون الحب حقيقى
نابع من القلب وجاى من عند ربنا
يعنى مفهوش اى مصلحة او اى طلبات
بس برده لما ظلم الحبيب وجرحه بيزيد
كله بيروح حتى لو فضل الواحد يتعذب لفترة
تحيااااااااااتى يا عمرو على تعليقك الجميل

طـائر الليــل الحـزين يقول...

رومانسى
مش سهل انك تنسى وتدخل فى تجربة تانية وانت لسه فى قلبك حد تانى
بس بجد البوست ده مش تجربة شخصية ده كلام حسيته فكتبته
تحيااااااااااتى ايها العاشق

طـائر الليــل الحـزين يقول...

عمدة
بجد انت اللى اروع اخ واحلى صديق
بشكرك على التعقيب
مع انى عتبه عليك بعدك عن عالم التدوين بقالك فترة كبيرة
حمد لله على السلامة ويارب ترجع تانى
تحياااااااااااتى

طـائر الليــل الحـزين يقول...

احمد على نصار
ردى على سؤالك
ان مفيش حد فينا ممرش بصدمة افقدته توازنه . ومنكرش انى لسه بعانى منها رغم انها اتنست
وبجد بشكرك على الكلام اللى انت كتبته بس انا فعلا شايفاه كتير عليه جداااااااا
وكل اللى اقدر عليه انى اشكرك وصدقنى برده ومش مجاملة رأيك فى اى بوست بتنزله بيفرق معاية كتير
واكيد هقرى التنويه اللى لفت نظرى ليه
وبالتوفيق يا كاتب يا كبير
تحياااااااااتى

saragebaly يقول...

ألم يأن لهذا القلب أن يستريح ولو قليلآ

ألم يأن له ان يتخلص من وسادة الاحزان

كفاه جراح

ارهقتني قطرات دمائه النازفة

انين يخرج من صوته

دمع اقرأه في كلماته

********

طائري الجميل

دومآ ما تأخذني كلماتك بمشاعرك الجميلة

جواكي رقة واحساس وطيبة كبيرة

والاهم
جواكي طفلة بريئة اوي وجميلة اوي

تحياتي لاجمل طائر

كل الحب

سارة

محمد عتلم يقول...

انا مش مطمن للكلام ده

محمد عتلم يقول...

يعنى غبتى شويه وبعدها عملتى بوستين فيهم حزن جامد ... انا حاسس ان فيه حاجه

غير معرف يقول...

مين ده اللى نسيك
تعرف لو قلبى بيتكلم
كان رد عليك
مين ده اللى نسيك
قبل مانتعاتب طب سلم
الله يخليك
واعملك ايه بقول هنسا ومبنساش ليه
هواك لسه انا عايشة عليه
ومش حاسة ان انا هقدر اعيش غير بيه
لو عدو سنين قلبى محلفنيى
انى ما اكمل غير واانا وياك
تعرف لو مين اسانى عليك
مهما يعمل انا مش هنساك
واعملك ايه بقول هنسا ومبنساش ليه
هواك لسه انا عايشة عليه
ومش حاسة ان انا هقدر اعيش غير بيه
( طبعا انتى بتموتى فى الاغنية دى وعارف انك بتحبيها اوى واكيد دلوقتى وانتى بتقرأى كلامى بتسمعيها وانا عارف انك اول ما هتقرأى كلامى هتضحكى وهتفكرى مين انا وازاى عرفت انك بتحبى الاغنية دى بس لو فكرتى هتعرفى مين انا) سلام يا وله ههههههههههه

طـائر الليــل الحـزين يقول...

سارة
قد حان الان ان يستريح ذلك القلب
ولكن لا اعرف لما عندما يجلس ليكتب مجموعة من الابيات تكون بهذا الشكل
احقا لم يسطتع ذلك الجرح ان يندمل او يشفى
انا لا اعرف حقا لما كل هذا الوجع
...............
سارة انا بشكرك جدااااااااا
بجد انتى اللى كلماتك بتكون فى منتهى الجمال والرقة
بحس بتلمس كل ركن فى قلبى
بس صدقينى الكلام ده مش عشان تجربة شخصية
ممكن يحصل معاكى انك تكونى متأثرة بجرح لحد عزيز على قلبك قوى
ومن غير ما تحسى تلاقى كلامك عليه
بس عشان هو غالى عليكى وجرحه بتعبك
بجد بشكرك على تعقيبك يا قمراية
وتسلميلى دايما

طـائر الليــل الحـزين يقول...

محمد عتلم
لا اطمن يا فنان
انا كويسة جداااااااا
وبعدين فين البوستين

اللى كلهم حزن دول
البوست اللى قبل ده كان مليان بكلمات الحب
تحيااااااااااتى يا فنان
وبجد انا فرحانة بكلامك عشان بيحسسنى اننا كلنا بنخاف على بعض وبنحس ببعض

طـائر الليــل الحـزين يقول...

مين ده اللى نسيك
الاغنية دى فعلا بحبها جداااااااا
منكرش . وفعلا انا تقريبا عرفت مين انت
وبجد انا بشكرك على الكلمات دى
بمنتهى الصراحة انا بحبها جداااااا
ولما بسمعها بحس بكل كلمة فيها
تحيااااااااااااااتى يا غير معرف افندى

شيماء جمال(شيمو القمر) يقول...

فكيـــف لك يــا قلبـــــى بعــــــد كــــل هـــــذا العـــــذاب أن تستمـــــر بحبـــــــه !!!!
لأن ليس لنا أى سلطان على قلوبنا

مدونتك بجد جامدة جدا ورومانسية قوى وبتقول حاجات جوايا كتير أنا قرأتها كلها تقريبا.

بصى كل ما أقوله اننا بإرادتنا نستطيع أن نفعل أى شئ

تحياتى دمتى مبدعة
شيمو القمر

طـائر الليــل الحـزين يقول...

اعترافات قلب
بشكرك على تعقيبك الجميل
وكمان على تقديرك لكل كلمة فيه
وبجد انا فرحانة ان المدونة عجبتك
دومتى بكل ود
تحيااااااااااااااتى

EMMY BABY يقول...

يا ليت بايدينا ان ننسى

فهل نملك زمام قلوبنا

فشكووول يقول...

هو الكلام ده رايح لمين
عموما قلبك ابيض وما فيش فايده .. هو البتاع ده زى القدر ومهما عمل فيك وفى قلبك لازق بلزقه غيره
تحياتى يا طائر

طـائر الليــل الحـزين يقول...

ايمى
بشكرك يا قمر على تحليلك الجميل طبعا
تحيااااااااااااااتى

طـائر الليــل الحـزين يقول...

عم فشكول
واحشنى كلامك طبعا وتعليقك كالعادة له طعم خاص
وبجد بشكرك على رأيك وخصوصا موضوع لازقة ده كانت كلمة جااااااااااامدة فعلا
تحياااااااااااتى يا عمنا

Kiara يقول...

عـــــذاب حبــــا عشتـــــه لحبيــــب . لــم يــــدرك كـــم أحببتــــــه وتعــــذبت مــن أجــــله ...
************

جامد يادوندون القلب لما بيحب صعب نسيطر عليه بس للاسف مش زي العقل نفكر ونقرر لا بالعكس دا بقي مش نعرف نسيطر عليه خاااااااالث لانه قلب

طـائر الليــل الحـزين يقول...

كيكو
اهلا اهلا بيكى يا قمر
وكل سنة وانتى طيبة دايما ومنورة عالم التدوين
وجميل قوى تعليقك فعلا مستحيل اننا نسيطر على قلوبنا
مش عارفة هنعرف امتى بس
تحياااااااااتى يا عثل

Radwa يقول...


الحب دا أحلى حاجه فى الدنيا
بس أوحش حاجه فى الدنيا
...............
حلم ضــ سندريلاـائع

طـائر الليــل الحـزين يقول...

سندريلا
بشكرك على التعقيب
وكمان على رأيك المتناقض بس هو صح جداااا
تحيااااااااااااااتى

mahasen saber يقول...

متساليش قلبك ليه لان مهمة قلوبنا هيا مساعدة حبايبنا على جرحنا

لانها بتخلينا دايما نصدقئم وننخدع فيهم
فهمتينى ياقمر قصدى ايه

IIOrganzAII يقول...

يعجبني فيكِ البساطة في معانيكي

بس بجد كلام يدخل القلب بصدق

تسلم إيديكِ وتسلم رقة قلبك

احمد على نصار يقول...

غايبة ليه عننا يا منى بوست واحد كل شهر .. ده كده كتبر.. الله يرحم ايام ماكنتى بتنزلى 6 بوستات فى يوم واحد

طـائر الليــل الحـزين يقول...

محاسن صابر
بجد رأيك له مذاق مختلف
بحس فى كلامك الخبرة من الحياة وكمان الاحساس باللى فيها
بجد انتى حد رائع قوى
تحياااااااااااااااتى

طـائر الليــل الحـزين يقول...

ليالى القمر
انتى اللى تسلميلى بتعقيبك الجميل اللى دايما تقوليه فيه كلام كتير على اى بوست بكتبه
تحيااااااااااتى

طـائر الليــل الحـزين يقول...

احمد على نصار
مش غايبة ولا حاجة والبوست ده مبقلوش اسبوع
وفترة الغياب دى كانت ايام الامتحانات وبعديها رجعت من تانى
وبجد شكراااااا على سؤالك
تحيااااااااااااااااتى

رحيق الحياة يقول...

شكاني قلبي للزمن و سأل عن الثمن
شكاني للامل فقال قد اختارت الالم
شكاني للدموع فردت بالنزول
شكاني للكلام فاختار السكوت
فاختار ان يسال نفسه عن سر السكون
فاجابته نفسه و قالت لكل شيئ حدود
و اكملت قائلة..... حتي للحب قيود
و انهت لتقول..انا انت فلا تقتلني لاجل محبوب
و لا تجعل منه كل الامور فقد اسكنك الحزن و الهموم
فقال قلبي...اعيش الهموم ام اختار الهروب؟؟؟
فقالت نفسي...في تلك الحالتين انت المهزومّ
فجر قلبي اذيال الخيبة متجها نحو المجهول
-------------------
قلبي دائما من يشكي ألم الحب
فلن اساله ثانية فاني قد خجلت

جميلة جدا هيا كلماتك........جعلتني افضفض
تحيااتي

طـائر الليــل الحـزين يقول...

رحيق الحياة
بجد مش عارفة مين فينا اللى كلامه احلى من التانى
انتى كمان تعليقك فى منتهى الجمال
وانا مش عندى رد اقوله عشان اعلق على مجموعة الكلمات اللى انتى كتبتيها
تحياااااااااااتى

العراف يقول...

الله بجد على العنوان اليك عنى يا قلبى بجد رائع وبوست جميل جدا
من احب بشده صعب ان ينسى بسرعه
ابقى داخلك الحب الصادق والمخادع ارميه اليم
لاتحرنى على قلب احببتيه وباعك واحزنى على قلب احبك وانتى التى بعتيه

طـائر الليــل الحـزين يقول...

العراف
بشكرك على التعقيب الجميل قوى ده واكيد انا فرحانة عشان العنوان عجبك
وبجد رأيك عين العقل
تحيااااااااااتى