٤ أكتوبر ٢٠٠٨

شــــــــرخ


عندى سؤال مهم جدا وبيشغل تفكيرى بشكل غريب . ازاى أختار شريك حياتى اللى معاه هحس بالأمان اللى بدورعليه بقالى سنين . ازاى أقدر أحقق المعادلة الصعبة فى الزمن ده . كلنا بنشوف وبنحس بالشرخ اللى فى جوازات الأيام دى . اللى بيختاروا عن حب او اللى بيتجوزوا جواز صلونات . بجد الموضوع بقى صعب جدا . خصوصا مع زيادة حالات الطلاق اللى بقت بتزيد كل يوم اكتر من اليوم اللى قبله . نفسى أعرف الشرخ جاى منين . ايه الغلط اللى حاصل موصلنا لكده . هو أكيد تقصير منهم ومننا لو كنا مطرحهم . أنا نفسى لما حبيت . موصلتش لأى حاجة ولما أتخطبت بطريقة الصلونات برده فشلت . ودلوقتى انا حسه انى تايهة . نفسى القى اللى يشاركنى حياتى بأفراحها وأحزانها . بس مش عارفة اختاره ازاى . والا أنا لسه بعانى من الحب جواية لشخص معين . مش عارفة اعيش مع حد غيره . و لا أقدرة حتى أدخل فى محاولة مع غيره . خصوصا وأنا شايفة كل الخلافات بين الأزواج والزوجات زى ما قولت سواء كانوا بيحبوا بعض او من غير حب . المشكلة أنى عمرى ما هعرف اتجوز من غير حب حتى لو فضلت عايشة حياتى كده على طول . أيه العمل دلوقتى فى حياتى . وأيه العمل فى حياتهم اللى على طول مهددة . مش عارفة هما أزاى يحسوا بأمان وأستقرار وسط زحمة المشاكل اللى على طول عايشينها . أنا شخصيا أعرف أتنين أتجوزا وكانوا عايزيين يطلقوا بعد أقل من شهريين . وأعرف ناس عايشة مع بعضهم مش اكتر من أداء واجب وخلاص . اهى عيشة وخلاص المهم أنهم عايشين فى هدوء . ومش مهم هما مبسوطين والا عادى الحياة ماشية وخلاص واهو وقت وبيعدى . واهو بره أحسن مايعيشوا لوحدهم . موضوع متعب والكلام فيه يطول . أوقات بخاف من الوحدة وكتير بخاف أعيش مع شخص مش حساه ولا عيزاه . بس أنا معترفة أنى أكتر حاجة تعبانى أنى حطة قدام عينى صورة معينة لشخص مش شايفة له مثيل . بحس معاه بكل حاجة وممكن أستغنى بيه عن كل البشر . بس هو بقى فين دلوقتى ومع مين . مع أنى مش عارفة أنا أزاى وأمتى حبيته . ويا ترى اللى بحسه معاه ده فعلا حب والا أنبهار وألا حاجة أكتر من الحب . بس أكيد هو حاجة أكتر من الحب

هناك ٨ تعليقات:

غروب يقول...

اولا وقبل اى حاجه اشكرك على زيارتك عندى

ثانيا بجد بجد بجد احييييييييييك على اختيارك للصور بتاعتك كلها بلا استثناء تحفه

انا فضلت اتفرج على اختيارك للصور الاول ولسه مش قريت

بجد ذوقك جميل

هقرا و لى عوده

محمود حسن العدل يقول...

السلام عليكم ورحمة اله وبركاتة
انتى كتبتى موضوع مهم جدا جدا
وكتير بتقع فى خطاء مش بتشعر بيه الا بعد فوات الاوان .
على شان تختارى شريك حياتك فعلا هو شيئ مش سهل .
بس لية موصفات اكيد
اهمها انة يكون يعرف ربنا كويس اوى لانة هايعرف حقوقه اية وطبعا لو عطهلك بالتااى هاتعود علية منة لان فاقد الشيئ الايعطية لو مش منحك الامان مش هايشعر به منك لو حافظ عليكى وراعة ربنا فيكى هايامنلك وهاتعيش ويعيش فى راحة اختى اول شيئ دورى على الدين .
ثانيا .. خدى مايحب روحك لاشكلك لان حب الروح هو الدائم اما الشكل مع الوقت هايتغير وان فضل هاتعجبة غيرك .
عزيزتى ..انتى اختارتى موضوع محتاج كلام كتير اوى على شان تحسى انك لو اختارتى تختارى على قواعد ثابتة
تانيا/ اوعى تقبل كلمة اهى عيشة وخلاص او عيشة اداء واجب ..
معنى الجملة دى انك بتفحرى تربة لكى وانتى على قيد الحياة تربة باردة من المشاعر ..
عموما
تحياتى لاختيارك للبوست
تحيااااااااااااااااااااااااااااااااتى

☼♫♪ عمــاد الدين يــوسف ☼♫♪ يقول...

عزيزتي منى
قد وضعتي يدك على موطن جرح غائر في جسد المجتمع المحتضر . اشاركك الخوف على لبنة المجتمع الاولى وهي الاسره
نعم بات معيار اختيار الزوجين لبعضهم البعض قائم على تراهات لا تمت للمسؤليه بصله
لو كل منا عرف اسس اختيار شريك حياته بمنأى عن الشكليات والناس قالت والناس عادت ، قد تقوم قائمه لهذه الاسره خاصةً
اذا اعتمدت على الاحترام المتبادل والشعور بالمسؤوليه تجاه مؤسسة الزواج المقدسه والتي يجب ان يراعي الزوجين ربهما فيها ناهيك عن وجود اطفال بينهما قد يعمق الشعور بالمسؤليه
ومن رأيي المتواضع في اسس وصفات شريك الحياه :
ان يكون على دين وخلق وهو لب الشخصيه المحترمه التي تستمد تصرفاتها من توجيهات الدين والاخلاق
ان يكون طموحا محبا للمشاركه راضيا بالقليل قنوعا به
وقبل هذا ان ينمي بذرة الاحترام المتبادل التي تقوى بضعف الحب
فلا يخفى على احد ان الحب قد يتلاشى شيئاً فشيئاً وخاصة في ظل رتم الحياة المعاصره السريع وهنا يظهر الاحترام والعشرة الطيبه ويحلان محل الحب الذي قد يأخذ شكلا اعمق واجمل فيعززه هذا الاحترام
واخيرا :
اقول لصديقتي المخلصه الوفيه
منى
بجد انتي انسانه نادرة الوجود وهذا لايعني انك خاويه من الشوائب فهذا مخالف لطبيعة النفس البشريه التي لو خلت من الشوائب والعيوب لتحولت الى ملاك لا مكان له بيننا بالتالي لن نعثر عليه
صدقيني انتي انسانه جديرة بالاحترام وكفيله ببيت واسره وأم مثاليه على استعداد ان تخرج جيلا من النبلاء الذين في طريقهم للزوال
لذا اختي الغاليه . لا تجعلي الحياة مقتصره على شخص بعينه فرق بينكم القدر لسبب من احكام الله
ابتسمي لدنياكي وافتحي باب قلبك ولا تغلقيه في وجه من يحاول
اخوكي عماد

طـائر الليــل الحـزين يقول...
أزال المؤلف هذا التعليق.
طـائر الليــل الحـزين يقول...

saso
اشكرك ياقمر على كلامك الحلو عن الصور . والمدونة
------------------
محمود حسن العدل
انا معاك فى رأيك ومش هقبل أى عيشة وخلاص وعمرى ما هدفن وانا لسة حيه فى تربة باردة احنا بنى أدميين من حقنا نعيش مرتحيين عشان ميبقاش التعب من كل ناحية . انا بحيييييك على تعقيبك الجميل جداااا يا محمود وبجد انا بيعجبنى رأيك قوى
------------------
عمــــــــدة ....
أحلــى وأعــــز و أحــــن أصدقائى
انا بجد معنديش رد على كلامك الجميل عنى واللى بتجاملنى فيه بشكل مبالغ قوى بس انا بشكرك عليه . وأكيد انت عارف رأى فيك . ومتقلقش عليه انا لو كنت حبسة نفسى فى صورة مش هتبقى عمرها غير فى خيالى . لأن اللى بحبه مش عايش معانا على الارض . وانا بقابله بس فى أحلامى
وصدقنى حتى لو ربنا قسملى وارتبطت بحد
هيفضل هو مثلى الاعلى فى كل حاجة لأنى مفيش زيه . فرسان الأحــــلام بنشوفه فى الاحلام وبس

ROSA E OLIVIER يقول...

Wonderful!...and for you...

"love is the one who masters all thing"

Mawlana Rumi

IIOrganzAII يقول...

اختيارك للموضوع جيد جداا
وفعلا موضوع يخوف جداا

بس كمان لازم يكون عندنا شوية أمل
وإن احنا اللي بإيدينا نخلي الدنيا حلوة
زي ما احنا اللي برده خليناها وحشة

ولو كل واحد قدر يعرف ويوصل للي ليه واللي عليه
أكيد ان شاء الله مش هنوصل للحد اللي وصفتيه



تقبلي تحياتي

طـائر الليــل الحـزين يقول...

bluestar4
صدقينى انا لو ماعنديش أمل أكيد كان زمانى حالى غير كده خالص الحمد لله من رحمة ربنا عليه انى أنسانة قوية بشكل كويس . ولما بنهار او بتعب بيبقى وقت وبعدين بعرف أستعيد قوايه على طول . وأنا مؤمنة أنى أقدر أحقق المستحيل