٨ أكتوبر ٢٠٠٨


علمـــت أن القــــدر قاســــى
ولكنـــى لـم أعلــــم أنـــــه بهـــــذة القســـــاوة
علمـــت أن الحيــــــاة غابـــــة
ولكنـــى لـم أكتــــــرث لهـــا ولا أخــــاف منهـــــا لحظـــــــة
علمــــت أن الحـــــب لعنـــــة
ولـم أقـــــدر يــــوما علـــى حمــــاية قلبـــــى منـــــه
علمــــت أنــــك لغيــــــرى
ولكنـــى لـم أستطيــــع أن أبتعـــــــد عـن حبــــــك ثانيــــــة
علمــــت أن الصمـــت نعمــــــة
ولكنــــى خفـــــت أن أخســــرها يـــوما
علمــــت أن الكـــــلام راحـــــة
ولكنــــى خفــــت أن ينكشــــف أمــــرى فأمتنعــــت عنـــــه
علمــــت أن فـى البعــــــد قــــــوة
ولكنـــى عجــــزت أن أتحكــــم فـى نفســــى وأجبــــرها علـى البعــــــد

هناك ١٤ تعليقًا:

كـــيــــــــارا يقول...

علمــــت أن الحـــــب لعنـــــة ولـم أقـــــدر يــــوما علـــى حمــــاية قلبـــــى منـــــه

----------

كلمات جميله جدا

تحياتي

طـائر الليــل الحـزين يقول...

كيارا
ربنا يخليكى يا قمر على كلامك الرقيق
واشكرك جدا على التعقيب السريع

☼♫♪ عمــاد الدين يــوسف ☼♫♪ يقول...

طائر الليل
نجم جديد يتألق في سماء الابداع
كنت مخبي ده كلو فين يجميل
ههههههههههه

تحياتي

Sweet Violet يقول...

عمر القدر ماكان قاسى وعمر الدنيا ماكانت كلها غابه و عمر الحب ماكان لعنه ابدا

القدر بتاعنا دايما لصالحنا و دا بنكتشفه بعدين مش فى لحظتها لما نبص ورا هاتلاقى ان القدر كان قاسى فى وقتها لكن فى الاخر عمل لصلحك

الدنيا نصها غابه لما تروحى تعيشى مع الوحوش لكن لو عشتى مع ناس زيك ناس بتحبك ليكى مش لمصلحتهم هاتلاقى انها جميله جدا

الحب مش لعنه احنا اللى بنعمل لعنته دى يوم مابنفكر غلط وبنختار غلط وبندخل قصه حب غلط يعنى احنا اللى لعنه على الحب مش الحب هو اللى لعنه

اخرجى من احزانك و عيشى لنفسك مدام غيرك عايش لنفسه مش ليكى

عشان تقدرى تمشى فى الحياه

يارب المره الجايه الافى بوست فرح مش حزن و حيره زى دا

اسفه على التأخير وعدم المتابعه الفتره اللى فاتت لانى كنت مسافره

طـائر الليــل الحـزين يقول...

ضد التيار
اه عمر القدر مابيكون قاسى . لكن فى اول الجرح بتحسى بكل ده . بتحسى نفسك مكسورة . بتهربى من كل حاجة ومش قادرة . بتقولى لنفسك انك قوية وتقدرى على كل حاجة . جايز ده يبان قدام الناس لكن بينك وبين نفسك . بتظهر صورتك الحقيقية . من غير اى قناع
وموضوع الاختيار . انا واثقة ان اختيارى صح . بس صدقينى لولا ان فى ظروف قوية . اكيد كنت هدافع عن حبى . من غير اى يأس او تراجع .
وعموما انا بحاول على قد ما اقدر انى اكون كويسة وبقوى باللى حوالية اهلى واصدقائى .وبعيش ليه وليهم
وبجد شكرا على النصيحة
---------------------------
عمـــــدة
اغلى الاصدقاء
ما انا قولتلك . البركة فاللى بيدينى القدرة على الكتابة واقدر اكتب اللى
بكتبه انا بشكره جدا . بسببه بقيت بخرج كل اللى جواية على الورق
وشكرا يا عمــــدة على الكلام الجامد ده

مَـطَـر يقول...

مم
في اللي هوا اصعب من الفراق
وهو الموت
مش الموت عموما
بس موت احد الحبيبن :)

مَـطَـر يقول...

قبل الفراق
فـ وسط الحب !

المستنصر بالله يقول...

كلمات جميله واحساس عالى يدخل القلب

تحياتى لحضرتك

Unknown يقول...

بعد مروري على مدونتك يا دنيا استنتجت حاجة ..
دنيا ..
ماتغرقيش نفسك قوي ..
عشان هتيجي في مرة مش هتعرفي تطلعي من الحزن ..!
و هتنسي الفرح ..
الزمن احسن كتور في الدنيا زي ما لقت قبل كدة لطفلة عجوزة في مدونتها ..
و خدي بالك من نفسك .

محمود حسن العدل يقول...

السلام عليكم
اقسم لكى اننى قراءت البوست اكثر من مرة من حلاوة مابة من تعبيرات رائعة
فمااجمل

علمــــت أن الحـــــب لعنـــــة ولـم أقـــــدر يــــوما علـــى حمــــاية قلبـــــى منـــــه

اجد بها تناقض جميل الخوف من الحب ورغم ذلك لاغنى عنة
لقد وصفتى الحب بطريقة جميلة رغم مابة من قسوة للمحبين
فاكلماتك عن الحب تحببنا فية
بجد بوست رائع بة الكتير والكثير من المعنى رغم قلة سطورة الا انة ترك اثر كبير ..
تفضلى فائق احترامى وتقديرى لشخصك ولبوستك هذا
تحيااااااااااااااااااااااااااااااتى

كوارث يقول...

كلمات ممتازة
التناقض الطبيعي والتساؤل السرمدي عن حال بني آدمين بنشوفها وبنتعجب منها وربما احنا !!
جميل جميل

طـائر الليــل الحـزين يقول...

نكــــره
شكرا ليكى يا قمر على التعقيب
------------------------
المستنصر بالله
اشكرك على وصفك الجميل للكلماتى اللى اكيد بقت احلى لما يقراها حد بيحس بمعانيها ويفهمها
تحياتى ليك
-----------------------
قهوة بالفنيليا- شيماء على
صدقينى انا مش مغرقة نفسى فى الحزن . بس يمكن لما بجى اكتب عن مشاعرى اللى جواية هو ده اللى بيخرج فى الكتابة . بس اكيد ده نابع من المأساة اللى حستها الفترة اللى فاتت . واكيد وقت صعب وهيعدى علية بأذن الله . وشكرا ليكى قوى يا مشمش
تحياتى
----------------------
محمود حسن العدل
بجد انا معنديش كلام ينفع يعبر عن احترامى لكلامك الجميل جدا اللى وصفت بيه البوست الاخير .وقد ايه انا سعيدة لأنك اول واحد يكلمنى عن التناقض الكبير اللى انا قصدته . وده نابع من انك اكيد حسيته .
وانا بقدر كل اللى بيقدروا شعور واحساس زى الحب . وبيفهموا كلامه .
انا بشكرك جدا . واكيد انا فخورة ان مدونتى ليها قارىء رائع زيك
تحيــــــــــاتى
----------------------------
كوارث
اسم غريب شوية . بس انا بشكرك على التعقيب الجميل . وبرحب بزيرتك الاولى للمدونة . ويارب متكونشى الاخيرة
تحياتى

mohamed ghalia يقول...

كلمات رائعة وإحساس أروع
ولكن لما كل هذا الحزن؟
تقبل تحياتى وإعجابى
دمت بود

طـائر الليــل الحـزين يقول...

mohamed ghalia
بشكرك على التعقيب وعلى الزيارة الاولى للمدونة . ام بالنسبة للحزن . ده مش اكتر من احساس الكلمات اللى لما كتبتها حسيت كل كلمة فيها فى كل جملة . كأنى عايشة الموقف بالظبط
تحياتى ليك