١٢ أكتوبر ٢٠٠٨

مــا بــالك يــا قلبــــــــى


مــا بـــالك يـا قلبــــى .. أصبحـــت تستمتـــع بالعــــذاب ...
أخــــاف عليــك يـا قلبــــى .. فأنـت لـم تعــد قــادرا علـى صـدمــات ...
أشعـر بيــك أنــك تحتــاج أليــه ..
أسمعــك وأنـت تنــادى عليــه ..
وحتــى عنـــدما تدعــو لــه أراك وأنـت دامــع العيــن ..
مشلــول الحركــة .. أخـرس الفــم .. تحــب ولا تستطيـــع أن تعتـــرف بحبــــك ..
ولاحتــى بالأشـــارة . أو بمجــرد نظـــرة ..
فمـــاذا ستفعــل يــا قلبــى فى حبيبـــك الــذى لا يشعـــر بــك ؟؟؟؟
و أنـت هائمــا مــن أجلــه .. ومحطــم الفـــؤاد بسببـــه ..
آه مــن حبـــا أصابنــى بالشـــلل والصمـــت .. وأبعـــدنى الـى مفتــرق الطرقــات ..
بحيــث أبقـى وحيــدة . مجــردة دون قلــب أو عقـــل .. مصـــابـة بالجنــــون ..
سأصبــح معــروفـة للعــالـم بهـــواك و ستبقـــى أنـت الوحيــــد الـذى لا يشعــــر بأحساســى نحـــوك وعشقـــى لك ..
فأعــــو لـى يـا حبيبـــى أن يريحنـــى اللـــــه مــن عـــــذاب بعـــــدى عنـــــك ..
ومــن محـــاولـة نسينــــك ....
بحبـــــــــــك .........

هناك ١٦ تعليقًا:

Sweet Violet يقول...

مااصعب الحب من طرف واحد

فكل الاشواق والحب تصبح عذاب لا يحس به احد غير قلوبنا و الطرف الاخر لا يشعر بشئ

لكن لابد ان نخرج من هذا الحب وننظر لعل يوجود اناس ينتظرونا

لابد ان نخرج من دائره حزننا التى تأخذ منا اجمل ايامنا هباء

قلوبنا تستحق ان تعيش مع من يقدرها ويشعر بها لا مع من يتجاهلها

افتحى قلبك للحياه وتخلصى من هذا العذاب فقلبك يستحق منك ان تحاربى لأجل حريته من هذا الحب لكى يعيش الحياه بجمالها و فرحها لا بحزنها و ألمها

ربنا يهديكى للطريق الصواب دائما

تحياتى

Sweet Violet يقول...

شفتى نسيتى

كلمه السر فتحيه (:

اضحكى و انسى الاحزان

محمود حسن العدل يقول...

السلام عليكم
البوست هايل جدااااا كالعادة احساس متدفق من بين السطور يشعرنا بدفئ كلماتك .
بجد انا اسعد اوقاتى هيا على مدونتك بين سطورك اتغلل بينهم لاكتشف الكثير والكثير والاسرار التى تدور بينهم
لتانى مرة على التوالى .
تناقض رهيب
اشتياق وحرمان/ رغبة وتمنع/ تمنى بالقرب وتمنى بالبعد/ حنين للماضى وتمنى بالحاضر.
بجد انتى بتكتبى بااحساس عالى مميز
سطورك قصيرة فى العدد
ولكن تحتاج الكثير من المرات لقرائتها حتى يظهر مابداخلها
بجد انا مش عارف اوصف احساسى بالبوست بتاعك وبالاحساس اللى فية من الم وحنين وتمنى وفراق وتذكرة وتمنى بعد النسيان .
اقل مااقولة لكى
انتى ممتازة بجد
تحيااااااااااااااااااااااااااااااتى

طـائر الليــل الحـزين يقول...

صديقتى ضد التيار
طبعا اسمحيلى اقولك صديقتى . بس بجد انا حساكى حد قريب من قلبى . مش كل الناس بتقدر تحس من الكلام . لكن ده بيبقى نوع بسيط . وانتى من النوع ده . احساسك عالى . وبتعرفى تحسى بالناس وتفهميهم . وانا بشكرك على نصايحك المستمرة ليه . عارفة يمكن عندى اصدقاء قريبين جدا ليه مش بيحسونى كده . وبمنتهى الصراحة انا بمر بتجربة حب غريبة جدا مش هنكر ويكمن حبة انى اتكلم معاكى . على قد ما التجربة دى انا شايفها هايلة واتعلمت منه كتير . على قد ما اتعذبت فيها اكتر ما حد يتصور . فى احسيس من كتر ما وجعتنى حتى برفض افتكرها . اه هو يستاهل كل الحب ده ويمكن اكتر . لكن انا كمان مستهلش كل العذاب ده . عشان كده بحاول بكل قوتى انى اخرج نفسى من الأحساس ده . عشان اقدر اعيش كل الاحسيس الحلوة اللى اتمنتها منه . بس للأسف . نصبنا مستحيل نكون مع بعض . وعموما انا الحمد لله راضية بنصيبى كده . وباللى ربنا قسمهولى .
لكى خالص تحياتى

طـائر الليــل الحـزين يقول...

محمود حسن العدل
اسمحلى انى اشكرك على كلامك الحلو قوى . واللى بتجاملنى فيه . انا بجد بشكرك على كل كلامك اللى بتكتبه عن البوست اللى بكتبه بأستمرار . وبجد انت اللى اكيد انسان احساسه عالى ودافى . عشان انت لو مش كده كنت هتشوف الكلام عادى جدا
لكن انت بتحس كل جمله . كأنك مرييت بيها . يعنى بتعرف تتخيل نفس اللى مؤلف اى كلام بيكون حسه . عشان كده بتعرف انا اقصد ايه فى كل مرة . واللهى يا محمود انا كمان معنديش وصف لكلامك وتحيــــاتك اللى حسة انها كتير على كلامى . وكل اللى اقدر عليه انى اشكرك . وبجد انا فرحانة لانى كنت لسه منزلة البوست ومفيش دقايق لقيت تعليق .........
تحيــــــــــاتى

محمود حسن العدل يقول...

انا متشكر اوى على كلامك الجميل دة بس انا والله مش جملتك
انا عرفت الموضوع رغم انى كنت متخيلة صح
من تعليقك على الاخت اللى سبقتنى
(ضد التيار)
وبقولك بلاش تحبسى نفسك جوة سجن انتى عملتية بايدك لنفسك.
اخرجى منة بكل قوتك اتحرارى منة
قولى لنفسك عسى ان تكره شيئ وهو خيرا لكم وعسى ان تحبه شيئ وهو شرا لكم .
مين عارف بكرة كان شايلك اية .
ربنا مش بيعمل حاجة وحشة فى عبدة اكيد فى حكمة فى كدة ربنا واحدة هو الاعلم بيها .
واعرفى انك ممكن تفكرى فى اللى ممكن يكون ملكك لكن اللى مش ملكك مش بتاعك فامش تفكرى فية تانى على شان مش تحبسى نفسك فى سجن عملتية بايدك ولنفسك.
يارب تكونى فاهمة كلامى مع انى واثق كل الثقة ان صاحبة الاحساس الجميل دى هاتفهم كلامى كويس.
تحياااااااااااااااااااااااااااااااتى

طـائر الليــل الحـزين يقول...

محمود حسن العدل
انا متشكرة على اهتمامك انك توضحلى وجهة نظرك وكمان بتدينى النصيحة . وانا لو هتقرى ردى على الاخت
ضد التيار ......
ردييت واعترفت بالتجربة اللى بمر بيها . وكمان قولت انى بحاول بكل قوتى انى اخرج نفسى من احساسى بالشخص اللى اناحبيته . عشان فعلا اصعب حاجة ممكن تألمك انك تحب حد عمره ما هيمون ملكك فى يوم من الايام . بجد ربنا يخليكوا على كل الخوف والاهتمام ده
خالص تحياتى ليك يا محمود

mohamed ghalia يقول...

ما أجمل وأروع هذا الإحساس
لا يستشعره إلا شخص رقيق الإحساس
تقبلى تحياتى
دمتى بود

كـــيــــــــارا يقول...

ياااااااه كلامك صعب اوي

خاصه انه من طرف واحد

☼♫♪ عمــاد الدين يــوسف ☼♫♪ يقول...

مونمون
لا مش كده .... انا خايف عليكي قوليلي مين ابن التيييييييييييت ده وانا اظبطهولك
يبنتي الكلام ده صعب اوي ومفيش حد يستاهل التضحيه ديه مش شرط يكون وحش
ممكن يكون اصلا مش على بالو الموضوع

طـائر الليــل الحـزين يقول...

mohamed ghalia
اشكرك على التعقيب . وانا قولت قبل كده.ان لو الشخص اللى بيكتب حساس عشان يطلع كلام بالجمال ده . اكيد برده الشخص اللى بيقرى . حد احساسه عالى جدا عشان يقدر يفهم ويحس بالكلام ده . يعنى بالأختصار انت حد عالى فى روعة الاحساس

طـائر الليــل الحـزين يقول...

كيــــارا
اهلا بيكى يا قمر
وحشانا .
صدقينى يا قمر دايما الحب بيبقى مليان بأحسيس صعبة . مهو مفيش حاجة فى الدنيا حلوة بس
تحياتى

طـائر الليــل الحـزين يقول...

عمــــــــدة
متخفش عليه يا جميل . وراك رجالة الكلام ده بس هو اللى جواية . يعنى هو عمره ماهيعرف بيه . او بأحساسى نحيته . وبعدين انا ميهمنيش انه يعرف لانه اصلا مش ليه من البداية . عشان كده عمرى ما هدور عليه دلوقتى . كونى حسيت نحيته المشاعر دى . طبعا دى حاجة مش بأيدى . بس انا بحاول انى انساه خالص .
ملحــــوظة
دى شهـــادة اتحاسب عليها . هو حد يستاهل جدا . ولولا الظروف مكنتش سبته عمرى .........
تحيـــــــــاتى

DoNyA يقول...

كلام بسيط وخارج من القلب
اكيد لازم يدخل في القلب

واقولك حاجه بجد اتعلمتها من حياتي اللي مريت بيها
كله بيعدي
حلو بيعدي
وحش بيعدي
كل الحكايه اننا لازم نمر بالمراحل دي في حياتنا علشان تكتسبي خبره وتبقي اقوي في كل مره
بس في الاخر
كله بيعدي
كنت زمان بدور علي دنيا للحب وبس
مجرد من اي حاجه ومن اي مصالح
بس لاقيتها مش موجوده غير في خيالي وعلشان اتصدمت كتير في خيالي
قلت يبقي اكيد انا اللي جيت الدنيا دي غلط ولازم اتكيف مع اهلها واسبني من شعارات الحب المجرد وحسن النيه والطيبه اللي دلوقتي بقي اسمعها عبط وغباء
انا شكلي خرجت عن الموضوع
بس صدقيني حسيت اني عاوزه اتكلم واول مره اتكلم براحتي في مدونه حد بعيد عن الفصحي
واخر حاجه اقولهالك
عيشي سنك واستمتعي في كل لحظه فيه ومتخليش الحزن ياكلك
وطبعا ده كله وانتي قريبه من ربنا علشان يباركلك
معلش طولت عليكي
ربنا يوفقك

IIOrganzAII يقول...

بالقلب إحساس لا تعرفه المسامع

يناديك شوقا واشتياقا

هل من لقاء؟


بجد رااائعة وإحساس جميل بكلمات بسيطة

لكن المعنى يفوق الكلمات

تسلمي يارب ويسعدك دايما

طـائر الليــل الحـزين يقول...

donya
بشكرك على كلامك الجميل . ولو حسيتى انك عايزة تتكلمى معاية متتردديش . انتى واضح انك شخصية رومانسية مريتتى بتجربة وجعتك . بس صدقينى كلنا مرينا بنفس الحالة وعيشنا نفس الموقف بجرحه وفرحه . وصدقينى بالنسبة لنفسى انا مصرة اخرج نفسى من اللى هية فية . وبشكرك جداا على تعقيبك . وعلى الزيارة الاولى للمدونة
تحياتى
---------------------------
bluestar4
بشكرك على كلماتك الجميلة والتعقيب
وتسلمى يارب
تحيــــــاتى