١٧ أكتوبر ٢٠٠٨

حبيبـــــــى باللـــــــه عليــــك


حبيبـــــى باللـــــه عليـــــك خبـــــرنى ..
كيــــف أخمـــــد هـــــذا البركــــان ..
حبيبـــــى باللـــــه عليــــك خبــــرنى ..
كيـــــف أخــــرج قلبـــــى مـــن عــالـم الأحـــــزان .
علمنـــــى كيــــف أنســــــاك . وكيــــف أبتعــــــد عـــن هــــــواك ..
فأنــــا لا أقــــوى حقــــا علــــى الأبتعــــــاد . أو النسيـــــــان ..

هناك ٣٥ تعليقًا:

Sweet Violet يقول...

صديقتى الغاليه

بجد مش عارفه اقولك بوستك دا عمل فيا ايه

وجعنى قوى بجد

حبيبتى لابد ان نقدر نحن على النسيان و الابتعاد

لان احنا اللى بنتعذب اطلبى العون من الله ان يخرجك من ضيقك

بجد من كتر الوجع اللى حسيته من كلامك مش قادر اكتب تعليق

ربنا يارب يخرجك من دوامه الحزن ويرجعلك قلبك وبسمته

محمود حسن العدل يقول...

لالالالالالالالالالالالالالالالالالالا
لالالالالالالالالالالالالالالالالالالا
فى اية هو ضد التيار
لازم كل مرة يكون قبلى لا كدة لاء بجد
اعطينى مرة واحدة بس فرصة
وال انا جاى احجز اول تعليق
عموما
هاقراء البوست وارجع تانى
تحياااااااااااااااااااااااااااااااتى

طـائر الليــل الحـزين يقول...

صديقتى ضد التيار
انا اسفة بجد انا عندى مشكلة فى الياهو . عشان كده مش عارفة اكلمك على الشات اول لما اعمله اكيد هيكون فى ما بنا كلام ...
وبالنسبة لغيابى . انا بس عندى بكرة عملية لوز . عيزاكى تدعيلى بقى اقوم بالسلامة . وانا شاء الله اول لما افوق واعمل الياهو هيكون ما بنا كلام .وصدقينى بالنسبة للبوست . انا عارفة كويس انا كل جرح بياخد وقت ويخف ويتنسى واكيد ده قريب قوى . وبجد انا بشكرك على كلامك ودعائك لية
تحيــــــاتى ليكى ومعلش من بكرة هبعد شويه عن المدونة لغايط لما افوق من العملية .....

mohamed ghalia يقول...

لأحيانا نعجز عن التعبير عما بداخلنا
كلماتك رائعة وأعلى من أن يعلق عليها مثلى
ولكنى أحببت أن ابدى إعجابى بها

Sweet Violet يقول...

ينهار ابيض كل دا لا ):

معلش يامحمود ان شاء الله المره الجايه هحاول تكون اول تعليق

بس ماتتأخرش بقى لحسن مابقدرش احوش صوابعى من الكيبورد

(:

*************

صديقتى الغاليه الف سلامه عليكى وان شاء الله ترجعى بالسلامه

هانتظرك ياقمر و ان شاء الله اول ماترجعى نتكلم على الياهو

طـائر الليــل الحـزين يقول...

mohamed ghalia
انا بشكرك على كل ده . وبعدين انا كلماتى بتبقى رائعة لما ناس زيك بيقروها . عشان بيحسوها وبتكون عندهم مش مجرد كلام وبس . انا مش عندى رد غير ان تعليقك ميكونش زى اى تعليق وبجد انا بشكرك على تعقيبك الجميل جدا ومش لقيه رد يوفيه
تحيــــــــــاتى

طـائر الليــل الحـزين يقول...

ضـــد التيــــار ....
الله يسلمك يا قمر وانا مش هيزعلنى الا انى هغيب عنكم كام يوم .
تحيـــــاتى

طـائر الليــل الحـزين يقول...

محمود حسن العدل.......
واللهى العظيــــم ده كتير علية . المهم انى القى تعليقك . حتى لو كان اخر تعليق المهم انك تكون افتكرت تشرف المدونة بتاعتى بالزيارة . ومستنيه رأيك فى البوست.......
تحيـــــاتى ليك

محمود حسن العدل يقول...

السلام عليكم ورحمة الله وبركاتة

كلمات محيرة
بتدل على حيراتك انتى شخصيا
حيرة بين عقلك وقلبك وحنينك للماضى
عقلك يريد التخلص والنسيان
وقلبك يتمنى انها لاتنتهى ابدا
بوست هايل بل اكتر من هايل بجد والله انتى فنانة مبداعة لا اجد مااصفة بيكى بتعرفى توصلى احساسك من خلال كلماتك
بمنتهى البراعة والدقة .
الغالية / طائر الليل الحزين
او الملاك الذى يمشى علـى الارض
كما اخترت الاسم لكىـــــــــ
اسمحلى انا انحنى تبجيلا واحتراما لشخصك
فاانا لااشعر بالمشاعر الحقيقية الا على هذة المدونة حقا .
تحياتى الف مرة على اسلوبك واحساسك
تحياااااااااااااااااااااااااااااااتى

طـائر الليــل الحـزين يقول...

محمــــود حســـن العــــدل
لو هيكون محتار فى الرد . اكيد هيكون انا ... انت مسبتليش حاجة اقولها . وبعدين انت بجد بتدينى اكتر من اللى استحقه . كده كتير عليه بجد . وطالما الكلام وصلك بالطريقة اللى انا كنت بفكر بيها . يبقى اكيد انت حد مميز واحساسه عالى . لأن الكلام بيوصلك وبتحسه . بص بجد انا مش مجمعه . مش عارفة اقولك ايه . خصوصا انت بتوصفنى بالملاك اللى ماشى على الأرض وده كتير عليه . ياريتنا نبقى زى الملائكة .
بجد انا بفتخر ان لمدونتى صديق رائع واكتر من رائع كمان . واكيد المدونة بيزيدها شرف كل لما تتكرم وتشوفها . تحيــــــاتى
على الرغم من عدم كفاية عشان توفيك حقك !!!!!!!!!

محمود حسن العدل يقول...

اية دا اية دا
الف سلامه عليكى
وعموما دى عملية بسيطة ياستى مش تخافى كدة وتخضينا عليكى .
ان شاءالله هاترجعى بالف سلامة.
طلبنا بقى منك هو انك اول ماتخرجى وتروحى بسلامة .
تنزلى بوست تقولى انك والحمد لله كويسة
احنا مش هانصبر لحد ماانتى بتقولى كدة
بكرة هاتعملى العملية ان شاء الله صح
هانعطيكى فرصة يوم واحد بس راحة
بعد بكرة تكتبى البوست
وتطمنينا
تحياااااااااااااااااااااااااااااااتى

طـائر الليــل الحـزين يقول...

محمـــود حســـن العــــدل
انا متشكرة جدا ....
وان شاء الله اول لما اكون قادرة اقعد قدام الجهاز . هطمنكم على طول . وعلى فكرة انا اصلا مكنتش هقول بس صديقتى ضد التيار السبب . لأنى حبيت اقولها سبب الغياب . وبشكرك قوى .
تحيــــــاااااتى

اهالينا زهقوا يربونا يقول...

يا قمر لو عيشتى حياتك صح وسنك صح هتنسي

اعرفي انك عايشه مره واحده وعمر واحد ومفيش بديل

هتستغليه ازاى؟؟؟؟؟؟؟؟؟

اولا العباده ودى لاخرتك وربنا يبارك فيكي

ثانيا :

متحزنيش ابدا .........اضحكى بس

وعموما اديكى عارفه السكه لما تعوزى تفكى شويه ابقي تعالى حدانا

romansy يقول...

مش بقولك حزينه

romansy يقول...

حبيبـــــى باللـــــه عليـــــك خبـــــرنى
كيــــف أخمـــــد هـــــذا البركــــان

وكيف لكى ان تخمدى بركانك وانا مازال بركانى ملئ بحبك ولا اريد ان اخمده

حبيبـــــى باللـــــه عليــــك خبــــرنى كيـــــف أخــــرج قلبـــــى مـــن عــالـم الأحـــــزان

ابتسمى يا صغيرتى فان الابتسام سيخرجك من تلك العالم الموحش ولكن من سيكون حزين فعلا هو عالم الاحزان نفسه
لانك تركتيه فدعيه يجرب ما اذاقه للناس

علمنـــــى كيــــف أنســــــاك وكيــــف أبتعــــــد عـــن هــــــواك فأنــــا لا أقــــوى حقــــا علــــى الأبتعــــــاد أو النسيـــــــان

وانا ايضا لا اقوى على الابتعاد والنسيان وكيف انساكى وانتى تسكنين روحى وعقلى وقلبى وامامى دوما فلا استطيع ان انساكى



الف سلامه عليكى ترجعلنا بالسلامه

طـائر الليــل الحـزين يقول...

أهالينا زهقوا يربونا .....
بصوا يا بنات . انا الحمد لله عايشة حياتى كويس وعلى فكرة انا عمرى ما كنت نكدية او بميل للحزن . كل الموضوع انى بيكون جواية وصف لحالة معينة . والكلام بيخرج عليها .....
بتكون عايشة ومأثرة فية لدايق . وبعد كده خلاص . الدنيا بتبقى حلوة ....
وعموما انا لو حبيت اضحك وافك . أكيد هعمل زيارة سريعة ليكوا يا قمرات ....
وبحيكـــــوا

طـائر الليــل الحـزين يقول...

romansy
بص يا أستاذ رومانسى .......
واللهى انا مش غاوية حزن . ولسه قايلة الكلام ده من دايق . كل الموضوع انى جواية زكرى لحب كان غالى عندى . واوقات بحس كلام وببقى نفسى أقوله فبكتبه . واخليه لنفسى . وانت لو تعرفنى عن قرب هتعرف انى انسانة مش ببطل ضحك وهزار وتريقة . ومش بسيب حد الا لما اجننه من المقالب اللى ممكن اعملها فيه . يارييت تكون فهمت وجهة نظرى . وبجد انا بشكرك على زيارتك واهتمامك انك تخرجنى من اللى انت فكرنى فيه . والله يسلمك كمان يا سيدى ومتقلقش انا هرجع على قلبكم بسرعة عشان نكمل نقاش فى وجهات النظر . واكيد بعد حوار انهاردة . هعتبرك صديق غير عادى للمدونة ...............
تحيـــــــــــــــــــــاتى

غير معرف يقول...

بوست هايل واضح اوى فية معانى انتى عوزة تقوليها
لكن انا بصراحة لفت نظرى تعليق احد اخوانى .
(الاستاذ بتاع الملائكة)
اولا. مش فى ملايكةعلى الارض
ثانيا. انتم اخر موضوعتكم متشابة الى حد كبير جدا انتم بتكتبو مع بعض ولا اية
ماهو مش معقولة احساسك واحد اوى كدة وكمان تصدف جرحكم يكون واحد
هههههههههه
وبعدين انتم اية الموضوع بقى
مدونتكم اصلا مش قد كدة
وانت يااستاذ يابتاع الملايكة مش كنت هاتقفل مدونتك ولا رجعت فى كلامك
على فكرة يااستاذ. سامى يوسف
ياريت مش تعلق تانى هنا على فكرة دا مش كلامى صدقنى دا كلام صاحبه الشأن
وعن لسانها صدقنى
سلام يااستاذ سامى يوسف
على رايها

☼♫♪ عمــاد الدين يــوسف ☼♫♪ يقول...

صعب .... كلامك بقى صعب

بس في ناس من وجعها بقت تقول ما يصعب على الاذن سماعه

تحياتي لكاتبتي المفضله

احمد على نصار يقول...

متستنيش حد وترسميه في خيالك صوره معينة ، هو لو عايز ييجي حاييجي وبدون سابق انذار وغالبا بعيد عن كل صوره حلمتيها واستنتيها

EMMY BABY يقول...

طائر الليل الحزين

بجد بالرغم من قلة الابيات الا انها تحمل الكثير من المعانى

ياريت القدرة على النسيان كانت بايدينا

بس للاسف مش بايدينا

بس سبحان الله ربنا بيدينا قدرة على النسيان مهما كانت الظروف صعبة


ابدعتى

تحياتى

ايمى

كـــيــــــــارا يقول...

ايه ده كول ده حصل من ورايا

اغيب يوم الاقيكوا كولكم واخدين التعليقات

وانا برا كدا


عاااااااااااااااااااااا

----------

نيجي للكومنت

عجبتني اوي التعبير ده

--------

علمنـــــى كيــــف أنســــــاك . وكيــــف أبتعــــــد عـــن هــــــواك ..

--------

ابدعتي ياقمرايا

وحساني بقي

حزينه يقول...

حبيبى بالله عليك
ساعدنى
ابعد
وانسى
اهجر
وانسى
حبيبى بالله عليك
اخبرنى
كيف امضى بلا دموع



كلماتك جميله





حزينه

ღϠ₡ღأمير الهدوءღϠ₡ღ يقول...

كلمات بسيطه لكن معناها كبير

:/

Sweet Violet يقول...

يارب تكونى بخير

طمنينى عليكى

كـــيــــــــارا يقول...

ايه ده

والله ماكنت قريت التعليق بتاعك انك هتعملي عمليه

الف الف مليون سلامه

وان شاء الله هترجعيلنا تاني

بس طمنيني عليكي

كـــيــــــــارا يقول...

طمنيني عليكي بقي انا قلقانه :(

المستنصر بالله يقول...

ربنا يريح بالك
وييسر لك الامور

تحياتى لحضرتك

طـائر الليــل الحـزين يقول...

أستاذ / غير معرف
أكيد أنا انسانة بحترم النقد . وهحترم رأيك ان مدونتى مش قد كده . لكن مش من حقك انك تتريق على تعليق اى حد من الزملة . او انك تقول على لسانى لحد انه ميعلقش تانى هنا . ويارييت كنت قولتلى اسمك ايه عشان اعرف مين بيصدر على لسانى اوامر .
انا بتأسف لصديقى صاحب التعليق الجميل . للملايكة . وبقوله انه من حقه يعلق فى اى وقت . وانى انا اللى بحكم على مدونتى مش اى حد .....
ولو سمحت يا غير معرف لو هتنتقد فى ادب ومتحجرش على رأى حد ممكن اسمحلك تنتقد . لكن انا مستحيل ان اى حد يزعل بسبب انه كتبلى تعليق فى المدونة
doneaal7ob

طـائر الليــل الحـزين يقول...

عمـــــدة....
أعز الاصدقاء . انا بشكرك يا جميل على التعقيب . وعادى كل شيىء فى اوله بيبقى صعب وبعد كده خلاص الوجع بيقل
تحيــــــــــاتى ليك .....
يأحلى زعيـــــــم

طـائر الليــل الحـزين يقول...

احمد على نصار ...
بشكرك على التعقيب . وانا منكرش انى فعلا رسمت صورة واستنتها . ومنكرش انى لما لقيتها . فهمت انها كانت مجرد خيال جسدته لنفسى . وعارفة انه لما يكون عايز يجى هيجى . بس صدقنى انا خلاص بطلت استنى
تحيــــــاتى

طـائر الليــل الحـزين يقول...

emmy baby....
بشكرك يا قمر على التعقيب الجميل قوى .
طبعا لولا نعمة النسيان علينا مكناش عشنا . وصدقينى مش شرط اكون لسة بعانى . عشان اكتب الكلام ده .......
تحيــــاتى ليكى يا قمر

طـائر الليــل الحـزين يقول...

كيارا ....
انتى اللى وحشانى يا قمر ...
وشكرا على سؤالك . واللهى انا قعدت على الجهاز انهاردة عشان اطمنكم علية وربنا يخليكم على السؤال علية وربنا يخليكوا ليه ....
تحيـــــاتى لكيارا ...
واكيد هجيبلك مصاصة ..........هههههههههههههههههههههههههههههههه

Sweet Violet يقول...

حمد لله على السلامه ياقمر

و يارب تكون صحتك كويسه دلوقتى

طـائر الليــل الحـزين يقول...

صديقتى ضد التيار
وحشتينى قوى
امبارح كنت بكتب التعليقات عشان اطمنكم علية بس مقدرتش اكتب الا اللى كتبتهم . بجد انا مش عارفة اشكرك ازاى على سؤالك علية . ربنا يخليكى ليه يا قمر .
-----------------------------
امير الهدوء
بشكرك على التعقيب . وعلى الزيارة وعلى الكلمات الجميلة
تحيـــــــــــاتى
----------------------------
حزينة
بشكرك يا قمر على الزيارة والتعقيب . بس مين فينا يبان حزين اكتر بالذمة مش انتى . انا عمرى ما كنت حزينة . حتى لما الموقف بيحصل عشان يحزنى بياخد وقته وخلاص برجع كويسة على طول .........
عموما بشكرك على الكلمات الجميلة ...
تحيــــاتى