٢٦ أكتوبر ٢٠٠٨

رحـــــلة النسيــــــــان



عنـــدما أبـــدء رحـــلة البحـــث عـــن الـــذات .
أجـــد نفســـى هائمـــة فـى بحـــر الذكريـــات .
فهـــل لازلــت يــا قلبــى تعـــانى ممــا فـــات .
وأنــت دائمـــا تـــائه بيـن صمــت وسكــات .
أى تعــانى فـى الحــالتين مــن الأهـــات .
التـى تجعــلك صامتـــا ... عاجـــزا عــن الشكـــوى .
فمـــن مـــاذا يــا قلبــى ستشكــو ... مــن الزمـــان أم مــن أهــله .
أم مــن خــداع أصحــابك ... اللـى كانــوا واقفيـن علـى بــابك .
سابــوك وفاتــوك و فـى الهــم نسيــوك .
و ألا يــا قلبــى لــو أتكلمــت عــن أحبــابك .
مــا هتــلاقى كـــلام يــوصف جـرحهــم و غـــدرهم ... وقســوتهم وكــدبهم .
سايــب روحــك يــا قلبــى غـرقـــان .
مــش عــارف مـن أيـه تشــكى ... مــن الجـــرح و ألا النسيـــــان !!!!!!

هناك ٢٤ تعليقًا:

محمود حسن العدل يقول...

اول تعليق
اول تعليق
اول تعليق
ههههههههههههههههههههههههههههه
راجع تانى
تحياااااااااااااااااااااااااااااااتى

طـائر الليــل الحـزين يقول...

واللهى نزلت البوست ده عشان تلحق تكون اول تعليق
مبروك . ههههههههههههههههههههه
يا كيارا
يا ضد التيار
اخيرا محمود اول تعليق
تحيــــاتى

محمود حسن العدل يقول...

اية دة بقى
فى اية
انا افتكرت ان البوست بتاع سؤال هو الجديد بس نزل بتاريخ قديم
فرحت اوى وقولت الملاك رجع تانى فى ثوبة الحقيقى ونزع الثوب القديم
يافرحة ماتمت
..................................
عنـــدما أبـــدء رحـــلة البحـــث عـــن الـــذات .
أجـــد نفســـى هائمـــة فـى بحـــر الذكريـــات .
فهـــل لازلــت يــا قلبــى تعـــانى ممــا فـــات .
وأنــت دائمـــا تـــائه بيـن صمــت وسكــات .
أى تعــانى فـى الحــالتين مــن الأهـــات .
...................................
انظرى الى ماتقولى (( الذكريات ))
فما يجبرنا ان نعيش داخل ذكريات حلوة او مؤلمة انها ذكريات فاتت ولن تعود فالما العذاب
اعرف ان النسيان صعب ولكن لابد منة فاعجلى انتى بالنسيان قبل ان تلتهمك الام الذكريات.
...................................
التـى تجعــلك صامتـــا ... عاجـــزا عــن الشكـــوى .
فمـــن مـــاذا يــا قلبــى ستشكــو ... مــن الزمـــان أم مــن أهــله .
أم مــن خــداع أصحــابك ... اللـى كانــوا واقفيـن علـى بــابك .
سابــوك وفاتــوك و فـى الهــم نسيــوك .
و ألا يــا قلبــى لــو أتكلمــت عــن أحبــابك
..................................
لاانكر ان الزمان قاسى احيانا علينا واسباب قسوته هيا قلوب ضعيف فية من البشر تلعب بينا او اقدار لايد لنا فيها .
ولكن هذا لايعنى نهاية الحياة
اتركى مافاتك وراء ظهرك وانظرى للحياة بنظرة جديدة نظرة امل فى الغد
...................................
ألا يــا قلبــى لــو أتكلمــت عــن أحبــابك .
مــا هتــلاقى كـــلام يــوصف جـرحهــم و غـــدرهم ... وقســوتهم وكــدبهم .
سايــب روحــك يــا قلبــى غـرقـــان .
مــش عــارف مـن أيـه تشــكى ... مــن الجـــرح و ألا النسيـــــان !!!!!!
...................................
حكمى قلبك وعقلك معا واتركى من ترك وانتى فى اشد الحاجة الية .
كما تركوكى اتركيهم لان الخير ليس فيهم
اعتزى بقلبك فقد تجدى من يجعل منة قمرا فى السماء .
الملاك
بوست جميل جدا رائع بجد فيه معانى كتير والم رهيب وحيرة وتسال
بجد سلمت يداك
تحياااااااااااااااااااااااااااااااتى

romansy يقول...

فمـــن مـــاذا يــا قلبــى ستشكــو ... مــن الزمـــان أم مــن أهــله
لا تظلمى الزمان يا عزيزتى فان فى بعض الاحيان قد تكون قسوه البشر اشد من قسوه الحجر ولكن قد يكون بالفعل من غدر من اصحابك ولكن الزمان قادر على ان يداوى الجراح من الغدر
فدعى قلبك يشكى لمن احب فانه يسمع شكواه ويحاول ان يجد لها حل

كـــيــــــــارا يقول...

خيااااااااااااااااااااااااااااااااانه


البوست ده نزل امتي


عااااااااااااااااااااااااااااااا


طيب مش راده بقي هه بس

مخمصاكي

هه بس

غروب يقول...

جميل اوووووووووى يا قمر

احساسك فيه عالى اوى

وطبعا احنا متفقين ان احساسنا دايما واحد مش عارفه ايه الصدفه دى


بجد حسيت الكلام معاكى اوووووى

رغم انك بدأتى لغه فصحي شويه او يعنى بليغه شويه وختمتيه عاميه

بس الكلام يتحس

تحياتى ليكي يا قمر

☼♫♪ عمــاد الدين يــوسف ☼♫♪ يقول...

مش عارف اقولك ايه ، بس اظاهر ان الحزن بيخلق عباقره زيك
مش عارف اقولك استمري في حزنك ليستمر يتبوع ابداعك ، ام اقول كفاكي حزنا ويجف علينا ينبوعك
بس انا هاجي على نفسي واقولك اللي اهم من ابداعك وابهارك لينا هو راحتك النفسيه يبقى اقدر اقول بكل حزم كفياكي حزن .

تحياتي

Unknown يقول...

دنيا حبيبتي..
قلت لك قبل كدة ..
جرعات الحزن الزيادة دي مؤلمة اوي اوي عليكي ..!
دنيا حاولي ماتقفيش كتير عند النقط اللي بتضايقك ..
بصي لقدام و ماتبصيش تحت رجليكي كتير احسن تتكعبلي !!
و ماتبصيش وراكي احسن تقعي ..!
خدي بالك من نفسك .

محمود حسن العدل يقول...
أزال المؤلف هذا التعليق.
محمود حسن العدل يقول...

السلام عليكم طائر الليل
معلش انا كنت عوز اسلم على حضرتك كتير قبل ماامشى بس اظاهر انك مش هنا
عموما تحياتى لشخصك الكريم
ياافضل مدونة فى المشاعر الصادقة
تحياتى لكم جميعا
انتى واختى ضد التيار وشكر لكيار على التنوية عن البوست بتاعى فى مدونتها
بجد انتم حد صعب الواحد يتعرف على حد زاية
تحياااااااااااااااااااااااااااااااااتى

كـــيــــــــارا يقول...

ايه ده يامحمود

انت رايح فين

وايه تودعنا دي

محمود حسن العدل يقول...
أزال المؤلف هذا التعليق.
طـائر الليــل الحـزين يقول...

محمود حسن العدل ...........
ايه ده انا مش فاهمة حاجة تمشى ازاى وبعدين هى دى طريقة عشان تقلنا انك خلاص قررت تسيب عالم التدوين .
عموما بجد كده مينفعش . هو فى ايه اصلا لكل ده . اللى حاسس اننا اخواته ينفع يودعنا كده

طـائر الليــل الحـزين يقول...

رومانسى ..........
اشكرك على التعقيب
وصدقنى مفيش جراح عشان استنى لما الزمن يدويها ومفيش حبيب عشان أساله ايه الحل . وشكرا ليك يا جميل على النصيحة الغالية
تحيـــــاتى

طـائر الليــل الحـزين يقول...

كيارا
معلشى يا قمر .
البوست ده نزل بعد التانى بأقل من نص ساعة . كنت عايزة اخلى محمود اول تعليق . عشان احس انه طلب حاجة وقدرت احققها . بس مكنتش عارفة انه هيكون اخر تعليق منه عندى
تحيــــاتى

طـائر الليــل الحـزين يقول...

saso
انتى اللى شكرا ليكى يا قمر على كلامك الجميل . واكيد انتى كمان احساسك عالى قوى طالما احساسى بيوصلك كده .
تحيـــــاتى ليكى يا حبيبتى

طـائر الليــل الحـزين يقول...

عمــــــدة
متخفشى عليه يا قمر . انا حديد ومش حاسة بأى حزن . والكلام ده بيعبر عن فترة فاتت من حياتى . وكل اللى حصل انى افتكرت ذكرياتها فكتبت الكلام ده لكن انا كويسة وزى الفل
وتحيــــــــاتى ليك يا احلى عمــــدة

طـائر الليــل الحـزين يقول...

قهوة بالفنيليا
شكرا يا قمر على تعقيبك بس انا واللهى بصة لقدام . ولو قريتى التعليق اللى قبل ده على هتعرفى انى كنت بتكلم عن فترة فى حياتى وخلصت خلاص . وده كان مجرد تفكير فى زكرى
تحيـــــاتى ليكى يا قمر

طـائر الليــل الحـزين يقول...

محمـــــود حســـن العـــدل
انا معنديش رد على كلامك اللى انى طريقة السلام بجد متقولش اننا كنا غاليين عندك بدليل اننا معرفناش انك انهردة هتزدعنا كده ولا حتى ايه سبب ده كله
وشكرا على الطريقة اللى جيت تقول بيها سلام
وردى ؟ الله يسلمك

محمود حسن العدل يقول...

السلام عليكم ورحمة الله وبركاتة
والصلاه السلام على خير من مشى على الارض سيدنا محمد خاتم الانبياء والمرسلين.

الى كل اخ واخت وصديق وصديقة.
انا حبيت اشكر كل اللى دخل مدونتى عالم محمود العدل سواء ترك تعليق فية كلمة حب او شكر او العكس.
وبصراحة مش لاقيت مدونة ممكن الكلام يكون فيها بااحساس عالى اكتر من مدونة طائر الليل الحزين او الملاك .

وبقدم اعتزارى الشديد لطائر الليل على انى تركت هذا التعليق على مدونتها بدون اذن او علم منها .
وبشكر كل واحد وخصوصا
..* ضد التيار *..
على شان مش حد يفكر اننا خصمين وبقولها بأعلى صوتى والكل شاهد ان ضد التيار اختى واخت عزيزة جدا عليا .
..* طائر الليل(الملاك) *..
دى مش محتاجة كلام لان بجد انا لم اجد مشاعر صادقة تخرج من اعماق قلب احد كاطائر الليل
اللى انا على ارض الجنة تباعها دلوقتى.
..* وكيارا *..
الجميله اللى عملت تنوية على المدونة بتاعتى على المدونة تباعها.
بجد انا لم اجد خيرا منكم اخوة واصدقاء اعتز بهم العمر كله .
تحية منى لكل شخص فيهم بااسمة
طائر الليل ( الملاك )
ضد التيار
كيارا
وكل من دخل مدونتى
تحياااااااااااااااااااااااااااااااتى

محمود حسن العدل يقول...
أزال المؤلف هذا التعليق.
Sweet Violet يقول...

و ليه ياقلبى عايش فى الذكريات؟؟

دا ماضى خلاص عدا و فات

و بكره اهو جى بأمل جديد

انسى ياقلبى الجرح و الآهات

كلامك رجعلى ذكريات افتكرت انى محتها

-----------

بعتذر على التأخير فى المتابعه بس ظروف غصب عنى ):

دمتِ بكل ود

طـائر الليــل الحـزين يقول...

ضــــد التيــــار ..........

و ليه ياقلبى عايش فى الذكريات؟؟

دا ماضى خلاص عدا و فات

و بكره اهو جى بأمل جديد

انسى ياقلبى الجرح و الآهات

كلامك رجعلى ذكريات افتكرت انى محتها

-----------

بعتذر على التأخير فى المتابعه بس ظروف غصب عنى ):

دمتِ بكل ود
--------------------------
صديقتى ضد التيار طريقتك فى الكلام محسسانى ان فى حاجة قوية تعباكى . حاولى تسيبى همك وزعلك على ربنا سبحانه وتعالى ومتفكريش فى اى حاجة غير سلامتك وراحتك . واواعى تستسلمى للحظة تكسر او حتى توجعك . متعمليش زى حسة طول الوقت انى لوحدى وانى مفيش حد ممكن يقدر لا يفهمنى ولا يقدر يحس بية
تحيـــــاتى يأحلى ضد التيار
طمنينى عليكى

مَـطَـر يقول...

بس كلمه واحده

"رائـــعه"